कञ्चनपुर : सानिमा रिलायन्स लाइफ इन्स्योरेन्स महेन्द्रनगर एरियाका एरिया मेनेजर र समाज कल्याण अञ्चल अनाथालयका आजीवन सदस्य रोशन भट्टले आफ्नो जन्मदिनको अवसरमा अनाथ बालबालिकाहरूलाई फलफूल र मिष्ठान्न, शैक्षिक सामग्री, जुस, खाद्यान्न वितरण गर्नुभएको छ । कञ्चनपुरको भिमदत्तनगरपालिका वडा नं. ०४ महेन्द्रनगरमा रहेको समाज कल्याण अञ्चल अनाथालयका बालबालिकाहरु छात्रावासमै भेटेर उहाँ र उहाको श्रीमती पुस्पा जोशी ले वितरण गर्नुभएको हो ।
जन्मदिनको उपलक्ष्यमा फजुल खर्च गर्नुभन्दा अनाथ बालबालिकाहरुलाई माया र हौसला दियो भने उनीहरुले पनि भबिस्यमा केही गर्न सक्छन् भन्ने सोचेर आफूले उनीहरू संगै रमाइलो गरेर जन्मदिन मनाएको भट्टले बताउनु भयो । कम्पनीका कर्मचारी तथा एजेन्सी मेनेजर सहितको उपस्थितिमा कार्यक्रम गरिएको हो ।
