बेलडाँडी : कञ्चनपुर जिल्लाको दक्षिणी क्षेत्रमा मोटर साईकल अनियन्त्रित हुदा युवकको मृत्यु भएको छ । बेलडाँडी गाउँपालिका वडा नं.१ हुलाकी राजमार्गमा मोटरसाईकल दुर्घटना हुदा मृत्यु भएको हो ।
मंगलबार दिउँसो २ बजे तिर बेल्डाँडी गाउँपालिका वडा नं. १ अवस्थीत भण्डारी टोल नजिक सु.प.प्र. ००३प ७२११ नं.को मोटरसाईकल अनियन्त्रित भई दुर्घटना हुदा बेलडाँडी कालिका मन्दिर नजिक बस्ने वर्ष २२ का सुनिल सार्की गम्भिर घाइते भई उपचारका लागि महाकाली प्रादेर्शीक अस्पताल महेन्द्रनगर लैजाने क्रममा बाटोमै मृत्यु भएको हो ।
सार्कीले आफैले चलाएको मोटरसाईकल हुलाकी सडकमा खाल्डोमा परी अनियन्त्रित भई दुर्घटना भएको स्थानीयले बताए । ठेकेदारले समयमै सडक निर्माण कार्य नगर्दा समय समयमा उक्त सडक खण्डमा दुर्घटना हुने गरेको छ ।
