कञ्चनपुर : दिन प्रतिदिन अपराधिक गतिविधि बढी रहेको बेला कृष्णपुर नगरपालिकाबाट रेडमीको मोबाइल लुटि लिएर दुई युवक फरार भएका थिए ।
असार २४ गते राती ९ बजे कृष्णपुर वडा नं. २ मा २१ वर्षीय अनारकली चौधरीको धान रोपी मोबाइलको उज्याले बनाई साइकलमा घर तर्फ आउने क्रममा सुपप्र ०२००३ प ६५१ नम्बरको मोटरसाइकलमा आएका दुई युवकले अनारकलीलाई धक्का दिई मोबाईल लिई फरार भएका थिए । फरार हुनेमा कञ्चनपुर भीमदत्त नगरपालिका–१३ का पिपरैया बस्ने वर्ष २१ को दिपक चदारा र दोधारा चाँदनी १ बस्ने वर्ष २२ को अर्जुन सुनार रहेका थिए ।
जिल्ला प्रहरी कार्यालय कञ्चनपुरले दुवै युवकलाई अस्थाई प्रहरी बिट भाँसीबाट नियन्त्रणमा लिएका थिए । उनीहरुको साथबाट लुटिएको मोबाईल खुकुरी थान–१, मोटरसाईकल थान १ सहित पक्राउ परेको छन् । दुवैलाई पक्राउ गरी थप अनुसन्धान भईरहेको जिल्ला प्रहरी कार्यालय कञ्चनपुरका प्रहरी नायब निरीक्षक प्रकाश डाँगीले बताए ।
