महेन्द्रनगर: कञ्चनपुर जिल्लाको महेन्द्रनगर स्थित खुलामञ्चमा भएको मैत्रीपुर्ण फुटबलको उपाधि एन-प्याब्सन कञ्चनपुरले जितेको छ।
शुक्रबार एक कार्यक्रमका साथ ज्ञान भण्डार महेन्द्रनगरद्वारा आयोजित स्वर्गीय बासुदेब बोहरा स्मृति मैत्रीपुर्ण फुटबल प्रतियोगिताको आयोजना गरेको थियो।
सनिवार फाइनल खेल एन-प्याब्सन कञ्चनपुर र प्याब्सन बिच प्रतिस्पर्धात्मक खेल भएको थियो। उक्त फाइनल खेलमा प्याब्सन कंचनपुरलाई ३-० ले को अन्तरले एन-प्याब्सनले हराउदै प्रतियोगिताको उपाधी सहित नगद पुरस्कार हात पारेको छ।
प्रतियोगिताको मैत्रीपुर्ण खेलमा चार टिमको सहभागिता रहेको थियो। जसमा नेपाल पत्रकार महासंघ शाखा कञ्चनपुर, उद्योग वाणिज्य संघ कञ्चनपुर, प्याब्सन र एन-प्याब्सन कञ्चनपुर रहेका थिए। एन-प्याब्सनले नेपाल पत्रकार महासंघ कञ्चनपुरको टिम लाई हराउदै फाइनलको यात्रा पक्का गरेको थियो भने उद्योग वाणिज्य संघ कञ्चनपुरलाई हराउदै प्याब्सन फाइनलमा पुगेको थियो।
