कन्चनपुर : गृहमन्त्री रमेश लेखकले अाफुलाई पढाएका पुर्व प्रधानाध्यापक नरेन्द्र सिंह भण्डारीको स्वास्थ्य अवस्थाबारे जानकारी लिएका छन्।
कन्चनपुरको बेदकोट नगरपालिकामा रहेको घटाल माध्यमिक विद्यालयका पुर्व प्रधानाध्यापक नरेन्द्र सिंह भण्डारी पेटमा समस्या देखिएपछि धनगढी मा रहेको स्वस्तिक कार्डियो एण्ड मल्टिस्पेसियालिटि हस्पिटलमा उपचारकालागि भर्ना भएका थिए ।
बिहीबार दिउँसो हस्पिटलमा पुगेर शिक्षक भण्डारीको स्वास्थ्य अवस्थाबारे जानकारी लिदै स्वास्थ्य लाभको कामना गरेका थिए । हस्पिटलका चिकित्सा निर्देशक पार्शल भण्डारीका अनुसार शिक्षक भण्डारीको स्वास्थ्य अवस्था अहिले सामान्य बनिसकेको छ।
