कञ्चनपुर: कञ्चनपुरका निर्माण व्यवसायीहरुलाई निर्माण व्यवस्थापन तालिम दिईएको छ । बुधबारदेखि जिल्लाका निर्माण व्यवसायीहरुलाई निर्माण व्यवस्थापन तालिम दिईएको हो । नेपाल निर्माण व्यवसायी महासंघको आयोजना एव निर्माण व्यवसायी संघ कञ्चनपुरको व्यवस्थापनमा जिल्लामा रहेका निर्माण व्यवसायीहरुलाई निर्माण व्यवस्थापन तालिम दिईएको जनाईएको छ ।
निर्माण व्यवसायी संघ कञ्चनपुरका अध्यक्ष निरन्जन प्रशाद भट्टले दुई दिने तालिम आयोजना गरिएको बताए । निर्माणका क्षेत्रमा आउने समस्या समाधानका लागि तालिम आयोजना गरिएको बताए । अध्यक्ष भट्टले तालिम लिएपछि प्रशासनिक, आर्थिकदेखि फिल्डमा व्यवस्थापनका लागि सहज हुने बताए । नेपाल निर्माण व्यवसायी महासंघका बरिष्ठ उपाध्यक्ष आङदोर्जी लामाको प्रमुख आथित्यमा तालिम उद्घाटन गरिएको थियो ।
नेपाल निर्माण व्यवसायी महासंघका बरिष्ठ उपाध्यक्ष आङदोर्जी लामाले तालिममा सिकेका विषयबस्तु व्यवहारिक कार्यान्वयनमा जोडदिए । निर्माण व्यवसायी संघ कञ्चनपुरका कोषाध्यक्ष दिपक भट्टले निर्माण व्यवसायीहरुको व्यवहारिक दैनिक कामकाजमा काम लाग्ने महत्वपूर्ण तालिम रहेको बताए । केशवराज आचार्य, आयुष्मा श्रेष्ठ प्रशिक्षक रहेका छन । तालिम बिहीबारसम्मै संचालन हुनेछ ।
