कञ्चनपुर: शुक्रबारदेखि बेलडाँडी गाँउपालिका १लल्लरेडाँडा गौरा मन्दिर क्षेत्रमा हुने सातौँ खुला फुटबल प्रतियोगिताका लागि थुप्रै बेलडाँडीका तीन युवाहरुले आर्थिक सहयोग गरेका छन । सुदूरपश्चिमेलीहरुको महानपर्व गौराको अवसरमा हरेक बर्ष बेलडाँडी गाँउपालिका १ कालिका टोल लल्लरेडाँडा स्थित गौरा मैदान क्षेत्रमा हुने फुटबल प्रतियोगिता सफल पार्नका लागि तीन युवाहरुले आर्थिक सहयोग गरेका छन ।
बेलडाँडी घर भई हाल रोजगारीको सिलसिलामा दक्षिण कोरिया,सहितका मुलुकमा काम गर्दै आएका युवाहरुले आर्थिक सहयोग गरेका हुन ।अल स्टार युवा क्लबका अध्यक्ष लोक बहादुर बलायरले प्रतियोगिता सम्पन्न गर्नका लागि कोरियामा रहेका फुटबल खेलाडी समेत रहेका जनक बहादुर सिहले ५हजार ५५५, दुबईमा रहेका उत्तम बहादुर शाहीले १हजार १सय र दुईमै रहेका अशोक शाह(ठकुरी)ले ४ हजार १ सय रुपैया आर्थिक सहयोग गरेका हुन ।
अल स्टार युवा क्लबले आजदेखि बेलडाँडी गाँउपालिका १ कालिका टोल लल्लरेडाँडा स्थित गौरा मैदान क्षेत्रमा सातौँ खुला फुटबल प्रतियोगिता ०८१ आयोजना गरेको छ । यस बर्ष प्रतियोगिता स्र्पोन्सर नपाएपछि आर्थिक संकटमा परेको छ । क्लबले स्वदेश तथा विदेशमा रहेका बेलडाँडीबासीलाई आर्थिक सहयोगका लागि अपिल गरेको छ । ग्रामिण भेगको खेलकुद बृद्धि विकासका लागि हरेक गौरा पर्वका बेला प्रतियोगिता आयोजना गरिदै आएको छ ।
