कल्की फाउण्डेसनको मानविय सेवा : मणिकाका धाम मेलाका सहभागीलाई निःशुल्क रुपमा फलफुल, पानी वितरण संगै हेल्थ डेस्क सञ्चालन

झलारी : शुक्लाफाँटा नगरपालिका ८ स्थीत पर्यटकीय क्षेत्र मणिका धाममा लागेको धार्मिक मेला(जात्रा)मा कल्की फाउण्डेसन कञ्चनपुरले निःशुल्क रुपमा फलफुल, पानी वितरण संगै हेल्थ डेस्क राखेर सेवा प्रदान गरेको छ ।
फाउण्डेसनले सिद्धनाथ बाबाको दर्शन गर्न आउने दर्शनार्थीहरुलाई लक्षित गरी निःशुल्क रुपमा फलफुल, पानी वितरण संगै स्वास्थ्यकर्मीको व्यवस्था गरी हेल्थ डेस्क राखेको हो ।

फाउण्डेसनका सचिव महेशप्रसाद भट्टका अनुसार दर्शनार्थीहरुलाई सय दर्जन केरा, एक कुण्टल सुन्तला, साठी जार सुद्ध पेयजल र सर्वतपानी वितरणको कार्य गरिएको छ । “झण्डै सात सय बढी भक्तजनहरुलाई सेवा प्रदान गरिएका छौं” उहाँले भन्नु भयो, “यस कार्यका लागि फाउण्डेसनमा आवद्ध नौ जना स्वयंसेवकहरुले सहयोग पुराउनु भएको छ ।”

यो संगै जात्रामा समान्य स्वास्थ्य समस्या भएकाहरुलाई प्राथमिक उपचारको कार्यं संगै निःशुल्क रुपमा औषधी वितरणको कार्य पनि गरिएको छ । कल्की फाउण्डेसनले मानविय कार्यमा कार्य गर्दै आएको छ । यसैगरी जात्रामा सहभागीहरुलाई महाकाल युवा क्लवले भण्डाराको व्यवस्था गरी भक्तजनलाई भोजन गर्ने व्यवस्था गरेको थियो । क्वले निःशुल्क रुपमा चिया उपलव्ध गराउने कार्य पनि गरेको छ ।

ताजा समाचार