कञ्चनपुर
विश्व कोरोनाको कारण आर्थिक तथा भौतिक रुपमा त्रासित भईरहेको बेला नेपाल सरकारले विभिन्न देशको सहयोगमा कोरोना विरुद्धको खोप लगाउदै आएको छ । पहिलो चरणको पहिलो प्रथमिकतामा रहेका व्यक्तिहरुलाई खोप दिइसकेको छ भने स्वास्थ्य कार्यालय कञ्चनपुरले कोरोना (कोभिड–१९) रोगविरुद्धको पहिलो चरणको दोस्रो प्राथमिकता समुहका व्यक्तिहरुलाई खोप लगाउने भएको छ ।
आइतबार देखि शुरु हुने कोरोना विरुद्धको खोप ४ वटा केन्द्रबाट लगाउन पाइने छ । २ गते देखि ५ गते सम्म विभिन्न लक्षित समुहलाई खोप दिइने छ । कञ्चनपुर जिल्ला भरी ४ स्थान बाट खोप दिइने छ जसमा भीमदत्त नगर पालिका स्थित महाकाली अस्पताल, बेलौरी नगरपालिका स्थित श्रीपुर प्रा.स्वा.केन्द्र बेलौरी, शुक्लाफाँटा नगरपालिका र दोधरा चाँदनी नगरपालिकामा खोप दिइने छ ।
यस अन्तर्गत सरकारी कर्मचारी, पत्रकार, सञ्चाकर्मी, जनप्रतिनिधि, संघ, संस्थाका कर्मचारी (बैंक, विद्युत, दुरसंचार), तथा गैर सरकारी संघ, सस्थाका कर्मचारी सुरक्षाकर्मी (नेपाल प्रहरी, सेना, जनपथ प्रहरी), छुटेका स्वास्थ्यकर्मी र स्वयंसेवकलाई दिइने स्वास्थ्य कार्यालय कञ्चनपुरले जनाएको छ ।
