बैतडीको दोगडाकेदार गाँउपालिका–७ चडेपानीकी १७ बर्षिया भागरथी भट्टको बलात्कारपछि हत्या घट्नाको सत्य, तथ्य छानविन गर्न नागरिक समाज कञ्चनपुरले जिल्ला अधिकारी मार्फत गृहमन्त्रीलाई ज्ञापन पत्र बुझाएका छन । कञ्चनपुरकी १३ बर्षिया निर्मला पन्तको बलात्कारपछि हत्या घट्नाजस्तै दुर्दशा नहोस भन्दै अधिकारकर्मिहरुले कञ्चनपुर जिल्ला अधिकारी मार्फत गृहमन्त्रीलाई ज्ञापन पत्र बुझाएका हुन । अधिकारकर्मीहरुले बैतडीको घट्नाको निष्पक्ष अनुसन्धान गर्न माग गरेका छन ।

निर्मलाको बलात्कारपछि हत्या घट्नाको सत्य तत्य र निष्पक्ष अनुसन्धान हुन नसक्दा त्यसयता ४५ जना छोरी/चेलीहरुले ज्यान गुमानु परेको नागरीक समाज कञ्चनपुरकी अगुवा मिना रोकायाले बताईन । ‘निर्मला बहिनीले अहिलेसम्म न्याय नपाएकोले नै त्यसयता ४५ जना हाम्रा छोरी / बहीनीले ज्यान गुमाउनु परेको छ ।’, मानव अधिकारकर्मी रोकायाले भनिन् ‘बैतडीको घट्नाको निर्मला घट्नाको जस्तो हालत नहोस भागरथी भट्ट बहिनीले न्याय पाउन ।’ अधिकारकर्मी शारदा चन्दले पनि बैतडीको घट्नाको निष्पक्ष अनुसन्धान हुनुपर्नेमा जोड दिईन । ‘निर्मला घट्नामा त जानाजान प्रमाणहरु नष्ट गरिए तर त्यस्तो पार्वती भट्टको घट्नामा नहोस ।’ अधिकारकर्मी चन्दले भनिन् ‘चाडोभन्दा चाडो घट्नाको निष्पक्ष अनुसन्धा भएर अपराधी सार्वजनिक गरिनुपर्छ । ’