क्यामेरा ट्रयापिङको सहायतामा वन्यजन्तु चोरी सिकार गर्ने एक जना पक्राउ

कृष्णपुर

वन्यजन्तु गणना गर्नका निमित्त राखिएको क्यामेरा ट्रयापिङको सहायतामा वन्यजन्तु चोरी सिकार गर्ने एक जना पक्राउ परेका छन् । गत जेठमा बन्यजन्तु सिकार गर्न पासो बनाई थापिएको जाल फेला परेपछि अनुसन्धान गर्दै जाँदा कृष्णपुर ७ कलुवापुरका एक जना ४५ वर्षीय युवकको संलग्नता रहेको पत्ता लागेसँगै उनलाई शनिवार विहान पक्राउ गरिएको हो ।
सब डिभिजन वन कार्यालय पिपरिया, कलुवापुरका सहायक वन अधिकृत बालमुकन्द भट्टको नेतृत्वमा डिभिजन वन र सशस्त्र वन सुरक्षा शाखा कंचनपुर तथा सुरक्षा शाखा वांडी कष्णपुरको संयुक्त टोली लामो सोधखोज र अनुसन्धान पश्चात उनी प्रक्राउ परेको डिभिजन वन कार्यालयका सूचना अधिकारी शिवराज अवस्थीले जानकारी दिनुभयो ।

भिडीयो क्यामेरामा कैद भएको फुटेजका आधारमा ती व्यक्ति पत्ता लागेको र उनलाई अहिले जिल्ला वन कार्यालयमा राखेर थप अनुसन्धान भैरहेको छ । राष्ट्रिय वन ऐन २०२९ र वन्यजन्तु चोरी सिकार ऐन २०२९ अन्तर्गत २० हजार जरिवान तथा ६ महिना कैदको प्रावधान रहेको र त्यसै अनुसार कानुनी कारवाही अगाडी बढाईने वन डिभिजन कार्यालयले जनाएको छ ।
बन्दा बन्दीको समय पारी जंगली जनावरको चोरी सिकार गर्नेको संख्या पछिल्लो समय बढ्दै गएको छ । डिभिजन वन का सूचना अधिकारी तथा रेन्जर अवस्थीले रातिको समयमा गस्ती गर्ने गरिएको र ६ वटा सब डिभिजन कार्यालयका टोली निरन्तर रुपमा चोरी सिकार नियन्त्रणमा अहोरात्र खटिएर काम गर्दै आएता पनि चोरी सिकार गर्नेमा भने कमी आउँन अझै नसकेको वताएका छन

ताजा समाचार

This will close in 10 seconds