कञ्चनपुर : ‘सामाजिक रूपान्तरणका लागि सहकारी’ भन्ने मूल नाराका साथ श्री शुभलाभ कृषि सहकारी संस्था लिमिटेडले आफ्नो १३औँ वार्षिक साधारण सभा सम्पन्न गरेको छ।
सभामा उत्कृष्ट बचतकर्ता र उत्कृष्ट ऋणीलाई सम्मान गरी प्रमाणपत्र वितरण गरिएको संस्थाले जनाएको छ। उत्कृष्ट बचतकर्ता तर्फ निर्मला जोशी र जानकी शाह सम्मानित भए भने उत्कृष्ट ऋणी तर्फ हिक्मच सार्कीलाई सम्मान गरिएको थियो।
संस्थाका अध्यक्ष शिद्धराज भट्टको सभापतित्वमा सम्पन्न सभामा कृष्णराज पाण्डेय प्रमुख अतिथि तथा अभिवक्ता एवं अपि हिमाल सहकारी संस्थाका अध्यक्ष महेश प्रसाद भट्ट विशिष्ट अतिथि रहेका थिए।
सभामा अध्यक्ष भट्टले संस्थाको वार्षिक प्रगति प्रतिवेदन प्रस्तुत गरेका थिए। सहकारीलाई आर्थिक रूपमा सबल र समृद्ध बनाउन सबै सदस्यको सक्रिय भूमिका आवश्यक रहेको प्रमुख अतिथि पाण्डेयले आफ्नो मन्तव्यमा बताए।
आर्थिक प्रतिवेदन संस्थाका कोषाध्यक्ष लोकराज भट्ट (लोकेश) ले प्रस्तुत गरेका थिए भने कार्यक्रम सञ्चालन सचिव बसन्तराज जोशीले गरेका थिए। साधारण सभामा शेयर सदस्य, कर्मचारी तथा सरोकारवाला व्यक्तिहरूको उल्लेख्य उपस्थिति रहेको थियो।
