कञ्चनपुर : कञ्चनपुरका आरक्षपीडितले प्रशासन र निकुञ्ज कार्यालय डेलिगेशन दिएका छन । आरक्षपीडित संघर्ष समितिले मंगलबार जिल्ला प्रशासन कार्यालय र शुक्लाफाँटा राष्ट्रिय निकुञ्ज कार्यालयमा डेलिगेशन दिएका हुन । आरक्षपीडित संघर्ष समितिका सचिव गोबिन्द नेपालीले ढक्का शिबिरमा बस्दै आएका आरक्षपीडितका दैनिक समस्या समाधानका लागि पहल गरिदिन माग अघि सारेर डेलिगेशन ध्यानाकर्षण गराएको बताए ।
सरकारले पुर्नस्थापना नगर्दासम्म राज्यबाट नागरिकले पाउने सुविधा प्रदानका लागि प्रशासन र निकुञ्ज कार्यालयबाट सहजिकरण आवश्यक रहेको भन्दै ध्यानाकर्षण गराएको बताए । आरक्षपीडित संघर्ष समितिका कावा अध्यक्ष मोती डगौराले यस अघि प्रशासन र निकुञ्जमा बुझाएको ज्ञापन पत्र बारे ध्यानाकर्षण गराएको बताए ।
जंगल किनार रहेका घर सार्ने, टेक्टर मार्फत खनजोत, बस्तीको सुरक्षा, पञ्जिकरण सहितका हक अधिकार राखेर ध्यानाकर्षण गराएको बताए । कञ्चनपुरका प्रमुख जिल्ला अधिकारी लक्ष्मण ढकाल र निकुञ्जका प्रमुख सरक्षण अधिकृत चन्द्र बहादुर चौधरीले पीडितले दैनिक जिवनमा उठान गरेका समस्यामा व्यवहारिक सहजिकरण गर्न सकिने बताएका थिए । ०५८सालदेखि विस्थापित पुर्नस्थापना नहुँदा ज(गलमै बस्न बाध्य भएका छन ।
