कृष्णपुर : कञ्चनपुरको कृष्णपुर नगरपालिकाले नेपाल पत्रकार महासंघ जिल्ला अध्यक्ष सुरेश सिह धामीकोे उपचारका लागि आर्थिक सहयोग गरेको छ । कृष्णपुर नगरपालिकाले क्यान्सर रोगबाट भारतको गान्धी क्यान्सर अस्पतालमा उपचारार्थ पत्रकार महासंघका अध्यक्ष धामीको उपचारका लागि आर्थिक सहयोग गरेको हो ।
कृष्णपुर नगरका मेयर हेमराज ओझाले समाजिक क्षेत्रमा अहोरात्र खटिने पत्रकार धामीको उपचारका लागि नगद २५ हजार आर्थिक सहयोग गर्ने निर्णय भएको र केही दिनमै धामीको खातामा जम्मा गरिदिने बताए ।
प्रेस चौतारी कञ्चनपुरका संस्थापक अध्यक्ष एव पत्रकार महासंघका जिल्ला अध्यक्ष धामीको उपचारका लागि नगरपालिकाले सक्दो सहयोग गरेको जनाएको छ । काँग्रेस कञ्चनपुरका सचिव समेत रहेका मेयर ओझाले मानविय संकट परेका बेला समाजिक व्यक्तित्व धामीको जिवन रक्षाका लागि सानै भएपनि सहयोग गरेको बताउँदै शिघ्र स्वास्थ्य लाभको कामना गरेका छन ।
