कञ्चनपुर : राष्ट्रिय स्वतन्त्र पाटी कञ्चनपुरका एक युवा नेताले नेपाल पत्रकार महासंघ कञ्चनपुरका अध्यक्ष सुरेश सिह धामीलाई उपचार खर्च सहयोग गरेका छन । रास्वपा विज्ञान, सञ्चार तथा सुचना प्रविधी विभाग केन्द्रीय सचिव ज्ञानेन्द्र सिह महताले पत्रकार महासंघका जिल्ला अध्यक्ष धामीको उपचारका लागि नगद ५ हजार सहयोग गरेका हुन ।
महताले आइतबार धामीको प्रभु बैंकको खातामा रकम ट्रान्र्सफर गरेका छन । संचारउद्यमी समेत रहेका महताले संकटको घडीमा उपचारमा टेवा मानविय सेवाका लागि सक्दो उपचार खर्च सहयोग गरेको बताए । पत्रकार धामीको नेपाली अस्पतालमा सम्भव नभएपछि भारतीय गान्धी क्यान्सर अस्पतालमा उपचार भईरहेको छ । नेपाल पत्रकार महासंघ कञ्चनपुरले समाजिक क्षेत्रमा खटिने पत्रकार धामीको उपचारका लागि ठुलो धनराशी खर्च हुने, भएको उनको निजी रकम सकिएपछि सहयोगका लागि अपिल गरेको छ ।
