कञ्चनपुर : कञ्चनपुरमा पनि यस बर्ष महिला हिन्सा बिरुद्धको १६ दिने अभियान प्रभावकारी बनाईने भएको छ । हरेक बर्ष नोभेम्बर २५अर्थात मंसिर ९देखि डिसेम्बर १० अर्थात २४मंसिरसम्म महिला हिन्सा बिरुद्धको १६ दिने अभियान मनाईदै आएको छ । उक्त अभियानका क्रममा जिल्लाभरी प्रभावकारी कार्यक्रम संचालन गर्ने स्थानीय सरकार एव संघ संस्था सरोकारवालाहरुले जनाएका छन । जिल्लाको सदरमुकाम समेत रहेको भीमदत्त, बेदकोट, शुक्लाफाँटा, कृष्णपुर, पुर्नवास, बेलौरी, बेलडाँडी, लालझाडी र दोधाराचाँदनी नगरमा विवित जनचेतनामुलक कार्यक्रम गरेर मनाईने भएको छ । अभियानको पुर्व तयारीका लागि भीमदत्त नगरपालिकाले आइतबार सरोकारवालासंग छलफल गरेकोे छ ।
भीमदत्त नगरका उपमेयर निलम लेखकले अभियानलाई प्रभावकारी र दिर्घकालिन रुपमा समुदायकोे सिकाई लक्षित गरेर बैठक गरिएको बताईन । उपप्रमुख लेखकले अभियान औपचारिक कार्यक्रमका लागि मात्रै नभई समुदाय स्तरमा समेत सचेतना गराउने, सबै वडा, बस्ती समावेस गर्ने हिसाबले कार्यक्रम गर्ने गराउने निर्णय भएको बताईन । उपप्रमुख लेखकले भीमदत्त नगरपालिकामा उद्घाटनका लागि मेयर पदम बोगटीकोे प्रमुख आथित्यमा कमलामा पानी हालेर ¥याली सहित उद्घाटन गरिनेछ । त्यसपछि नगरपालिका भित्र कार्यरत विभिन्न संघ संस्थाहरुले नगरका १९वटै वडा, तिनका विद्यालय, समुदाय स्तरमा सचेतनामुलक कार्यक्रम संचालन गर्नेछन । समापनमा ५जना लैङिक हिन्सामा परेका र त्यसपछि उनीहरुले हिन्सामा परेका बाबजुत आत्मनिर्भर भएका महिलाहरुलाई सम्मान गरिने छ ।
उदाहरणीय महिलाको खोजिका लागि गैसस महासंघ कञ्चनपुरका अध्यक्ष लक्ष्मी बोहराको संयोजकत्वमा ११सदस्यीय सिफारिस समिति चयन गरिएको छ । भीमदत्त नगरका मेयर पदम बोगटीले पनि समाजमा व्यप्त रहेको महिला हिन्सा जरैदेखि उखेल्नका लागि सरोकारवालाले गर्ने कार्यक्रम प्रभावारी बनाउन पालिका तर्फबाट बजेटदेखिका सहयोगमा बचन दिएका छन । मेयर बोगटीले हिन्सामुक्त नगरपालिका बनाउन सबै सरोकारवाला सचेत हुनुपर्नेमा जोडदिएका छन । १६ दिने अभियानलाई सदाका लागि हिन्सामुक्त गराउन सरोकारवाला गम्भिर हुनुपर्ने समेत मेयर बोगटीको भनाई थियो ।
भीमदत्त नगरपालिका महिला तथा बालबालिका शाखा प्रमुख कुन्ती लेखकले अभियानको तयारी आजैदेखि शुरु भएको बताईन । कञ्चनपुरकोे झण्डै साढे ५लाख जनसंख्या मध्ये महिला नै बढी छन,तर हिन्सा नरोकिएको भन्दै त्यसतर्फ महिला अगुवाले चिन्ता व्यक्त गर्दै हिन्सामुक्त कञ्चनपुर बनाउन सरोकारवालाले चिन्तन गर्नुपर्नेमा जोडदिएका छन । कार्यक्रम औपचारिकता एव बजेट सक्न मात्रै केन्द्रीत नभई मानिसको मास्तिष्कमा सकारात्मक परिर्वतन ल्याउने जस्ता प्रभावकारी कार्यक्रममा जोडदिईएको छ ।
