पप्पु गुरुङ्ग, दोधारा । कञ्चनपुरको दोधारा चाँदनी नगरपालिका कञ्चनभोजका ललित सिंह ठकुरी अहिले व्यवसायी तरकारी खेतीमा गरि मनग्य आम्दानी गरेका छन् । दोधारा चाँदनी नगरपालिका– ७ कञ्चनभोज निवासी वर्ष अन्ताजी ५६ वर्षका ललित सिंह ठकुरीले उत्पादन गरेको तरकारी अहिले बजारमा खरिद गर्न पाईन्छ् । यस पटक पनि उहाँले ५ बिघाह आफ्नो जग्गामा तरकारी खेतीमा सुरु गरेका छन् । अहिले ललित सिंह ठकुरीको आधा बिघाह काक्रा फलाएका छन् । उहाँले बन्दा, आलु, काउली, मुला, धनिया, आलु, गाँजर, भण्टा, खुर्सानी लगाएत तरकारी खेती गर्न थालेका छन् । रु. १ लाख ३० हजारको लागतमा आधा बिघाह जग्गामा लगाएको काक्रा बिक्री सुरु गरेको ललित सिंह ठकुरीले बताउनुभएको छ् ।
काक्रा उत्पादनबाट उहाँले २ लाख बढी रकम आम्दानी गर्ने बताउनुभएको छ् । यस पटक ललित सिंह ठकुरीले १ बिघाह जग्गामा आलु खेती गर्न सुरु गरेको बताउनुभयो । धन कमाउन युवा बिदेशिने क्रम बढेको अवस्थामा मेहनत गरे आफनै गाँउ, ठाँउमा सुन फलाउन सकिने ललित बताउनुहुन्छ् । उहाँले दैनिक १० देखि १२ जना स्थानियबासीहरुलाई रोजगारी दिदै आउनुभएको छ् । सिजन अनुसारका तरकारी उत्पादन गर्ने तथा बेमौसमीमा समेत आफुले तरकारी खेती गर्ने गरेको ठकुरी बताउनुहुन्छ् । हाल ५ बिघाह जग्गामा तरकारी खेती गर्दै आएको र निकट भविष्यमा बढाएर ६ बिघाह जग्गामा तरकारी खेती गर्ने योजना रहेको उद्यमी ललित सिंह ठकुरी बताउनुभयो ।
अहिले आएर आफ्नो खेतबारीमा थरीथरीका तरकारी लगाउनु, गोडमेल गर्नु, समयमै सिचाई र मलजलको प्रबन्ध मिलाउनु, दिनभर खेतबारीकै काममा व्यस्त हुनु ठकुरीको दैनिकी बन्दै आएको छ् । सुरु सुरुमा दैनिक छाक टार्न मात्रै तरकारी लगाउने गर्ने गरेको केही वर्ष देखि व्यावसायिक रुपमानै तरकारी खेती गर्न थालेपछि आफुलाई मनग्य आम्दानी भईरहेको ललितको भनाई रहेको छ् ।
बेमौसमी तरकारीको उत्पादनको लागी टनेल निमार्ण गर्न रु. ३ लाख ९० हजार सहयोग गरेको निड्स नेपाल कञ्चनपुर स्कोप आर– ३ का कार्यक्रम संयोजक ईश्वर उपाध्यायले बताउनुभएको छ् ।
