कञ्चनपुर : शुक्लाफाँटा नगरपालिका २ रानीपुरमा भुमिगत सिचाई आयोजना निर्माणको कार्यको आज एक सरोमहका विच नगर उप प्रमुख कल्पना पन्तले उद्घाटन गर्नु भएको छ । भूमिगत जलश्रोत तथा सिचाई विकास डिभिजन कार्यालय धनगढी मार्फत रु ८० लाखमा ठेक्का प्रकृया मार्फत सिचाई आयोजना निर्माण भैरहेको छ । आयोजना उद्घाटन गर्नु हुदै उहाँले निर्माणको कार्य पुरा भएपछि यस क्षेत्रका बासिन्दाले सहज रुपमा खेतमा सहज रुपमा सिचाई सुविधा उपलव्ध हुने बताउनु भयो ।
उद्घटन कार्यक्रममा सहभागी नेपाली काँग्रेस निर्वाचन क्षेत्र नं 2 ख का क्षेत्रिय सभापति करन सिंह ऐरले आर्थिक मामिला मन्त्री बहादुर सिंह थापाको प्रयासमा यस क्षेत्रमा देखिएको सिचाईको अभावलाई पूर्ति गर्नका लागि आयोजना बन्न लागेको बताउनु भयो । आयोजना सम्पन्न गर्नका लागि सबैको सहयोग र सहकार्यको आवश्यकता रहेको उहाँको भनाई थियो ।
आयोजना निर्माण भएपछि साठी विघा जग्गामा सिचाई सुविधा पुग्ने आयोनजा निर्माण सहजिकरण समितिका संयोजक नरेन्द्र जोशीले बताउनु भयो । आयोजना निर्माण कार्यको उद्घटन कार्यक्रममा नगर उप प्रमुख पन्त सहित, वडा अध्यक्ष भोंदु चौधरी, नेपाली काँग्रेसका निर्वाचन क्षेत्र नं २ का सभापती करन सिंह ऐर, वडा सदस्य, समाजका अगुवाहरुको सहभागिता रहेको थियो । आयोजना निर्माणका लागि बोरिंग गाडन ड्रिलिंगको कार्य शुरु गरिएको छ ।
