पप्पु गुरुङ्ग, दोधारा । कञ्चनपुरको दोधारा चाँदनी नगरपालिकाले पत्रकार सुरेश सिह धामीको उपचारका लागि ५० हजार रुपैया दिने भएको छ् । नेपाल पत्रकार महासंघ शाखा कञ्चनपुरका अध्यक्ष धामीको उपचारका लागि दोधारा चाँदनी नगरपालिकाले उपचार खर्च दिने भएको हो । दोधारा चाँदनी नगरपालिका कार्यपालिका बैठकले पत्रकार सुरेश सिह धामीलाई उपचार खर्च रु. ५० हजार दिने निर्णय गरेको दोधारा चाँदनी नगरपालिका नगर प्रमुखको सचिवालयले जनाएको छ् । दोधारा चाँदनी नगरपालिकाका मेयर किशोर कुमार लिम्बुले महासघका अध्यक्ष धामीको उपचारका लागि पालिका तर्फबाट उपचार खर्च उपलब्ध गराउने निर्णय भएको बताउनुभएको छ् । पत्रकार महासंघ कञ्चनपुरका अध्यक्ष केही समयदेखि काठमाण्डौं स्थित काठमाण्डौं मेडिकल कलेज सिनामंगलमा उपचार पछि भारतको दिल्ली उपचारको लागी गएको बताईएको छ् ।
धामीको पाचन प्रणाली संग सम्बन्धी ग्रन्थी (प्याङक्रियाज) मा ट्युमर फेला परेपछि पहिलो चरणको सल्यकृया भएको र दोस्रो चरणका लागि अर्को अस्पताल एव थप खर्च लाग्ने भएपछि उपचार खर्च अभाव भएपछि पालिकाले सहयोग गर्ने निर्णय गरेको हो । अपिटुटे दैनिक, अपिनम्पा साप्ताहितका संचालक समेत रहेका पत्रकार धामी दुई दशक देखि पत्रकारितामा सकृय छन ।
दोधारा चाँदनी नगरपालिकाका मेयर किशोर कुमार लिम्बुले जनतालाई सुचनाका हक अधिकारका लागि अहोरात्र खटिने पत्रकारलाई उपचार गर्न अभाव भएपछि पालिकाले अभिभाविकीय रुपमा भूमिका निर्वाह गरेको बताए ।
नेपाल पत्रकार महासघ, प्रेस यूनियन, प्रेस सेन्टर र प्रेस चौतारी सहितका पत्रकार संघ संगठनहरुले धामीको उपचारार्थ सहयोगका लागि जिल्लाका पालिका सरकार सहित स्वदेश तथा विदेशमा रहेका आम नेपाली महानुभावहरुलाई सक्दो उपचार सहयोगका लागि अपिल गरेका छन् ।
