पप्पु गुरुङ्ग, दोधारा । कञ्चनपुरको दोधारा चाँदनी नगरपालिकामा नगर स्तरिय महिला भलिवल प्रतियोगिता सुरु भएको छ् । नगर खेलकुद बिकास समिति दोधारा चाँदनीको आयोजनामा नगर स्तरिय महिला भलिवल प्रतियोगिता सञ्चालन गरिएको नगर खेलकुद बिकास समिति दोधारा चाँदनीका उपाध्यक्ष चमन खड्काले जानकारी दिनुभएको छ् । दोधारा चाँदनी नगरपालिका– ६ भानु माध्यमिक बिद्यालयको प्रांगणमा महिला भलिवल प्रतियोगितामा नगर क्षेत्रका १० भलिवल टिम सहभागिता भएको उहाँले बताउनुभएको छ् ।
प्रतियोगितामा प्रथम हुने टिमलाई रु. ३१ हजार नगद र प्रत्येक खेलाडीलाई खेलकुद पोशाक र द्धितिय हुने टिमलाई रु. २१ हजार नगद धनरासी र प्रत्येक खेलाडीलाई खेलकुद पोशाक तथा प्रमाण पत्र तथा मेडल प्रदान गर्ने ब्यवस्था गरिएको नगर खेलकुद बिकास समिति दोधारा चाँदनीका उपाध्यक्ष चमन खड्काले बताउनुभयो । खेलकुदको क्षेत्रबाट पनि दोधारा चाँदनी नगरपालिकालाई चिनाउने गरपालिकाले विभिन्न खाले प्रतियोगितामा सञ्चालन गर्दै आएको दोधारा चाँदनी नगरपािलकाका प्रमुख किशोर कुमार लिम्बुले बताउनुभयो ।
दोधारा चाँदनी नगरपािलकाले खेलकुदलाई उच्च प्राथमिकतामा राख्दै आएको उहाँले बताउनुभएको छ् । नगर क्षेत्रका खेलाडीहरुलाई अघि बढन बिभिन्न माध्यमबाट सहयोग गर्ने गरेको दोधारा चाँदनी नगरपालिकाका प्रमुख किशोर कुमार लिम्बुले बताउनुभएको छ् ।
नगर प्रमुख किशोर कुमार लिमबुले खेलकुदमा पूर्वाधार निर्माण र खेलकुद प्रतियोगितालाई संग–संगै लगिएको वताउनुभयो । महिला भलिवल प्रतियोगिता आयोजना हुनुले महिलाहरुको प्रतिभा प्रस्फुटन हुने नगर प्रमुख लिम्बुको भनाई रहेको छ् ।
