पप्पु गुरुङ्ग, दोधारा । कञ्चनपुरको दोधारा चाँदनी नगरपालिकामा निशुल्क आँखा शिविर सुरु गरिएको छ् । च्यारेटी हेल्थ फाउण्डेशनको सहयोग, बाताबरण संरक्षण तथा समाज कल्याण संघ नेपाल (पेशवान) र धनगढी नेत्रालय प्रालि. को तथा दोधारा चाँदनी नगरपालिकाको सहयोग तथा सहकार्यमा दोधारा चाँदनी नगरपालिकाको सबै वडामा आँखा शिविर सञ्चालनको लागी आज वडा नं. ७ बाट निशुल्क आँखा शिविर सुरु गरिएको दोधारा चाँदनी नगरपालिकाका मेयर किशोर कुमार लिम्बुले जानकारी दिनुभएको छ् । दोधारा चाँदनी नगरपालिका– ७ वडा कार्यालयमा आज देखि शिविरको सुरुवात गरिएको उहाँले बताउनुभयो ।
बिगतको तथ्यांक हेर्दा दोधारा चाँदनी नगरपािलका क्षेत्रमा आँखाको समस्या भएका रोगीहरु बढ्दो रहेको हुदा दोधारा चाँदनी नगरपालिकाले बिभिन्न संघ–संस्थाहरु संग सहकार्य गरि वडाहरुमा निशुल्क आँखा शिविर सञ्चालन गर्दै आएको मेयर किशोर कुमार लिम्बुले बताउनुभयो । आँखा शिविरबाट अति गरिव, विपन्न, दलित तथा पछाडी परेका समुदायको नागरिकले प्रत्यक्ष लाभ पुग्ने आफुले बिश्वास लिएको उहाँले बताउनुभयो ।
च्यारेटी हेल्थ फाउण्डेशनको सहयोग, बाताबरण संरक्षण तथा समाज कल्याण संघ नेपाल (पेशवान) र धनगढी नेत्रालय प्रालि. को सहयोग तथा दोधारा चाँदनी नगरपालिकाको सहयोग सहकार्यमा दोधारा चाँदनी नगरपालिकाको वडा नं. १ देखि १० वडा सम्म निशुल्क आँखा शिविर सञ्चालन गरिएको बाताबरण संरक्षण तथा समाज कल्याण संघ नेपाल (पेशवान) लैगिंक समानाताको लागी व्यवहार परिवर्तन, मानव बेचबिखन तथा ओसारपसार नियन्त्रण (जिविभीएएचटी) परियोजनाका सामाजिक परिचालक छत्र बहादुर देउवाले बताउनुभएको छ् ।
शिविरको पहिलो दिन वडा नं. ७ बाट सुरु गरिएको उहाँले बताउनुभयो । शिविरमा निशुल्क उपचार संगै आँखामा मोतियाबिन्दु, जलबिन्दु, आँखामा मासु पलाएका रोगीहरुलाई छनौट गरि धनगढी नेत्रालय प्रालि. आँखा अस्पतालमा निशुल्क शल्यक्रिया गरिने कार्यक्रम रहेको उहाँले बताउनुभएको छ् ।
प्रत्येक वडामा एक दिने कार्यक्रम रहेको सामाजिक परिचालक छत्र बहादुर देउवा बताउदै आउदो २७ गते निशुल्क आँखा शिविर सम्पन्न हुने बताउनुभयो । घर आँगनमा निशुल्क आँखा शिविर संचालनमा आएपछि स्थानियबासीहरुले खुशी ब्यक्त गरेका छन् ।
