पप्पु गुरुङ्ग, दोधारा । कञ्चनपुरको दोधारा चाँदनी नगरपालिकाको शान्ती टोलमा बाढीबाट मानविय र धनमालको क्षती रोक्न सुरक्षित आवास गरिने भएको छ् । निड्स नेपाल कञ्चनपुर र दोधारा चाँदनी नगरपालिकाको आर्थिक सहयोगमा रु. २९ लाखको लागतमा बाढीबाट मानविय र धनमालको क्षती रोक्न सुरक्षित आवास निमार्ण गरिन लागेको दोधारा चाँदनी नगरपालिकाका मेयर किशोर कुमार लिम्बुले जानकारी दिनुभएको छ् ।
यस अघि कुतियाकवर बस्तीमा दोधारा चाँदनी नगरपालिका, नेपाली सेना, बिभिन्न संघ–संस्थाहरुले २ वटा सुरक्षित आवास निमार्ण गरिसकेका छन् । निड्स नेपालको स्कोपआरथ्री परियोजनाका कार्यक्रम संयोजक ईश्वर उपाध्यायले शान्ती टोलमा निमार्ण गर्न थालिएको सुरक्षित आवासमा दोधारा चाँदनी नगरपालिकाको रु. ७ लाख, निड्स नेपालको रु. २० लाख र समुदायको रु. २ लाख गरि जम्मा रु. २९ लाख लगानीमा बाढीबाट बाढीबाट बस्तीलाई सुरक्षित राख्न सुरक्षित आवास निमार्ण गर्न तयारी सुरु गरिएको बताउनुभएको छ् ।
जगबुडा नदीको पानीले वर्षेनी शान्ती टोलमा पसेर बितण्डा मच्चाउदै आएको छ् । ३६ घरधुरी रहेको शान्ती टोलमा बाढीबाट बस्तीलाई सुरक्षित राख्न सुरक्षित आवास निमार्ण गर्ने भएपछि स्थानियबासीहरुमा खुशीयाली छाएको छ् । निमार्णको लागी स्थानियबासीहरुले १ कट्टा जग्गा उपलब्ध गराएको बताईएको छ् ।
