कञ्चनपुर : देबताल एजुकेशन रिसर्च सेन्टरले कञ्चनपुरकोे सालघारी प्रहरीचौकीलाई कुर्सी, प्लाष्टिक टेबुल र टर्च सहयोग गरेको छ । देबताल एजुकेशन रिसर्च सेन्टरले भीमदत्त नगरपालिका १८सालघारीको कुर्सी, प्लाष्टिक टेबुल र टर्च सहयोग गरेको हो ।
एजुकेशन रिसर्च सेन्टरका प्रशिक्षक एव लेखक अनिल चन्दले जनताको सुरक्षामा खटिने प्रहरीका लागि सक्दो सहयोग गरेको बताए । भवनदेखि फर्निचर बस्ने अभाव भएपछि देबताल रिसर्च सेन्टरले तीन थान कुर्सी, तीन थान टेबुल र १टर्च दिएको बताए । प्रहरी चौकी इन्चार्ज रुकुमसिह महराले रातीका बेला उज्यालोदेखि सेवाग्राहीलाई बस्नका लागि सहयोग हुने बताए ।
चन्दले भवन मर्मतका लागि समेत आवश्यक सहयोग गर्ने बचन दिएका छन । दशक अघि तत्तकालिन सुप प्रदेशका प्रहरी प्रमुख डिआईजी जय बहादुर चन्दले उक्त चौकी उद्घाटन गरेका थिए ।
