महेन्द्रनगर : कंचन को अपरेटीभ सर्भिस लि. ले आफ्नो आगामी चौथो वार्षिक साधारण सभाको पूर्व सन्ध्यामा समाज प्रतिको उत्तरदायित्व बोध गर्दै एक उदाहरणीय सामाजिक कार्य सम्पन्न गरेको छ । संस्थाले कार्तिक १५ गते हुन गई रहेको चौथो वार्षिक साधारण सभा को पूर्व सन्ध्यामा सामाजिक उत्तरदायित्व अन्तर्गत समाज कल्याण वाल अनाथालय महेन्द्रनगर लाई अनाथ वाल वालिकाहरुको व्यवस्थापनमा सहयोग गर्न रु १०,१११।०० (अक्षरेपी दश हजार एक सय एघार रुपैया मात्र) सहयोग रकम हस्तान्तरण गरेको हो ।
सहयोग हस्तान्तरण कार्यक्रममा सहकारीका पदाधीकारी ,कर्मचारी र अनाथालयका प्रतिनिधीहरुको उपस्थीती रहेको थियो । सहयोग रकम हस्तान्तरण गर्नु हुदै संस्थाका अध्यक्ष विष्णु सिंह विष्ट ले भन्नु भयो हाम्रो सहकारी सधै समाजमा असहाय, विपन्न तथा विशेष गरी वालवालिकाहरुको उज्यालो भविष्यका लागी केही गर्नु पर्छ भन्ने मान्यता राख्दै आएको छ , सहकारी संस्था केवल आर्थिक सशक्तीकरणको माध्यम मात्र होईन यो समाज मा प्रेम ,सहयोग तथा सहानुभुतीको सस्कृतीलाई वलियो वनाउने शक्ती पनि हो ,आजको यो सहयोग हाम्रो सहकारीको साझा भावनाको प्रतिक हो ।
त्यस्तै कार्यक्रममा वोल्नु हुदै संस्थाका कोषाध्यक्ष एवं समाजसेवी विजयालक्ष्मी देवी अवस्थीले हामी ले प्रदान गरेको रकम सानो हुन सक्छ तर त्यसले ति वालवालिकाहरुको मुहारमा ल्याउने मुस्कान अमूल्य छ । यस्तो सहयोगले पैसाको होइन हृदयको मूल्य वोल्दछ भन्नु भएको थियो साथै वहाले संस्थाको प्रधान कार्यालय महेन्द्रनगर मा रहको हाल महेन्द्रनगर ,दैजी र झलारी गरी ३ वटा सेवा केन्द्र मार्फत सर्व सुलभ वित्तीय सेवा प्रदान गरीरहेको जानकारी गराउनु भएको थियो ।
समाजसेवी तथा वाल अनाथालय संचालक सदस्य भगवती थापाले सहयोगी हातहरु प्रति आभार व्यक्त गर्नु भएको थियो । वाल अनाथालयमा रहेका वालवालिकाहरुको उज्यालो भविष्यका लागी सहयोग गर्नु भएकोमा अनाथालयका अध्यक्ष दया कृष्या जोशीले सहयोगी संस्थाको उत्तरोतर प्रगतीको कामना गर्र्दे अनाथालयको तर्फ धन्यवाद ज्ञापन गर्नु भएको थियो । कार्यक्रमको संचालन कंचन को अपरेटीभ सर्भिस लि. का दैजी प्रवन्धक राजेन्द्र जोशी ले गर्नु भएको थियो ।
