कञ्चनपुर : २४ भदौँ (मंगलबार) जेनजी समुहको आन्दोलनका क्रममा कञ्चनपुर भीमदत्त नगरपालिका ६ खैरेनी स्थित नेकपा एकीकृत समाजवादीका नेता एव पुर्व प्रदेशका मन्त्री प्रकास रावलको घर पनि जलाईदिए । पुर्व आर्थिक मामिला मन्त्री एव सुपप्रदेश सभा सदस्य रावलकोे घरमा आन्दोलनकारी समुहले तोडफोड, लुटपाट गरेर आगजनी गरेर घर खरानीमा परिणत गरिदिएका हुन । रावल राजनीतिमा आउनु अघि उनका स्व। बाबु मेयर सिह रावलले नै बनाएको घर आन्दोलनकारीले ध्वस्त पारिदिएपछि रावलको परिवारको गासबास, कपास गुमेको छ । २३ भदौँ काठमाण्डौँमा भएको जेनजी आन्दोलनमा पहिलो दिन १९ विद्यार्थी मारिएपछि त्यस बिरुद्ध भोलीपल्ट कञ्चनपुरमा पनि आन्दोलन चर्किएको थियो ।
तत्तकालिन गृहमन्त्री रमेश लेखक सहितका सत्ताधारी काँग्रेस, एमाले नेताका घरमा आगजनी गरेपछि त्यही आन्दोलनकारी समुहले सत्तामै नभएका दलका नेता रावलको घरमा पनि लुटपाट, तोडफोड एव आगजनी गरिदिएका थिए । नेकपा एकीकृत समाजवादीका पोलिट्ब्यूरो सदस्य समेत रहेका रावलको पाटी प्रदेश र संघीय दुवै सरकार बाहिर भएकाले आफ्नो घर जलाउने समेत उनले कल्पना गरेका थिएनन् । तर, आन्दोलनकारीले रावलको घरमा समेत आगो झोसेर विध्वङस मच्चाईदिए । पुर्वमन्त्री रावलको परिवार ६ दशक अघि पहाड अछामबाट कञ्चनपुर तराई सरेका थिए । उनका स्व।बाबु मेयर सिह रावल ०२० सालतिर अछामको सुगालीबाट महेन्द्रनगर आएका थिए । ५ सयका दरले १० विगाह जमिन खरिद गरेर जिमदारीबाट ईटा व्यवसायमा उदाएको रावल परिवार राजनीतिमा आउनु अघि नै पुख्यौली सम्पत्ती जोड्नेदेखि ईटा उद्योग संचालन गरेर दर्जनौँ युवाहरुलाई रोजगारी दिएका थिए । मेयर सिहले नै ०३९ सालतिर माटोको मसलाले पक्की घर बनाईदिएका थिए ।
त्यसपछि परिवार संख्या बढ्दै गएपछि दोस्रो तला थपेका थिए । स्व। मेयरसिहका चार छोरा मध्ये सबैभन्दा कान्छा हाल अष्ट्रेलिया बस्दै आएका छन । तीन दाजुभाई खैरेनीमै बस्छन । पुर्वमन्त्री प्रकासका जेठा दाजु रुपसिह पहिल्यैदेखि अलगै बस्दै आएका छन । रुपसिह नेपाल टेलिकमको अधिकृतबाट सेवानिवृत भएपछि उद्यमै छन । प्रकास र उनी भन्दा कान्छा दान बहादुर संगसंगै बस्दै आएका छन । यद्यपी बाबुले बनाईदिएको घरमा प्रकासकै परिवार बसेपनि कानुनी हिसाबले भाईको नाममा छ । उच्च शिक्षा अध्ययनकै क्रममा अखिल विद्यार्थी संगठनबाट राजनीति गरेका रावल बाबुले ०४९ सालमा टेक्टर खरिद गरेपछि आधुनिक कृषि खेतीपाती व्यवसायमा लागे । रावल आफैले टेक्टर चलाएर बर्षदिनमै टेक्टर खरिद गरेको झण्डै साढे चारलाख रुपैयमा कमाई गरे । त्यसपछी व्यवसायका लागि ०५८ सालतिर ईट्टाभट्टा समेत सचालनमा ल्याए । ईट्टाभट्टा पनि भाई दान बहादुरकै नाममा छ ।
अहिले पनि ईटाभट्टामा नेपालीदेखि भारतीय मजदुर रोजगार गर्दै आएका छन । ०७४ मा सम्पन्न भएको प्रदेश तथा प्रतिनिधी सभा सदस्य निर्वाचनमा रावल तत्तालिन नेकपा एमाले, माओवादी केन्द्रको संयुक्त गठबन्धनबाट काँग्रेस नेता यज्ञराज जोशीसंग निर्वाचित भए । उतिबेला एक बर्षे आर्थिक मामिलामन्त्रीको जिम्मेबारी पाएपछि रावलले आफ्नो निर्वाचन क्षेत्रमा कृषि, पुर्वाधार, खानेपानी, सिँचाईका योजना ल्याएर विकासवादी लोकप्रिय नेताका रुपमा जनतामा चिनाए । पञ्चायतकालदेखि गणतान्त्रिक युगसम्मपनि विकास नपाएका जनताले गाँउघरमै विकास पाएपछी रावल विकासवादी नेता हुन भन्दै प्रसंसा गर्न थाले । त्यसपछि ०७९ सालमा सम्पन्न भएको निर्वाचनमा काँग्रेस, माओवादी र एमाले, राप्रपा दुई दुई÷दुई दलिय गठबन्धन पराजित गर्दै प्रदेश सभा सदस्यमा निर्वाचित भए । अहिले पनि समाजवादी सरकार बाहिर छ ।तर,पनि सत्तामै नभएका नेता एव विकासवादी नेताको घरमा किन आगो झोसियो भन्दै सर्वसाधारण यही प्रशन गरिरहेका छन । सत्तामै नभएकादेखि निर्वाचित भएपछि पनि जनताको काममा खटिएका नेताको घरमा आक्र्रोस कि लुटपाटका लागि भन्दै स्थानीयले बहस गरिरहेका छन ।
‘म जन्मिएको ०२५ सालतिर मेरो लागि दुध खान बाबुले भैसी खरिद गरे, अहिलेसम्म त्यही भैसीकै पुस्ता९बेलो० मेरो घरमा छ, ‘उनले भने, ‘घरमा रहेको ४५ किलो ध्यु पनि पोखेर जलाईदिए, ध्यु मात्रै होईन, अन्नपानी, लुगा कपडा, बाबुका पालादेखिका सुनचाँदनी, गरगहना, भाँडाकुडा समेत राखिदिएनन्, यतिसम्मको अमानविय अत्याचार कहिल्यै देखेको पनि थिईन ।’ पुर्वमन्त्री रावलले आफ्नो घर जलाएर भिडियो प्रकासित भएको तलतिर आएका कमेन्टकै आधारमा पनि आफुप्रति जनताको सद्भाव रहेको तर, जेनजीका नाममा घुसपैठ समुहले मेरो घर सहित सहकर्मी दलका नेता कार्यकर्ताहरुका घर, व्यवसायिक क्षेत्रमा आगजनी तोडफोड, लुटपाट गरिदिएको बताए । ‘मैले राजनीतिमा लागेर सांसद,मन्त्री भएपछि यो घर सम्पत्ती जोडेको पनि होईन, मेरै बाबु पुर्खाले ६२बर्ष अघिदेखि जोडेको सम्पत्ती हो, ‘उनले भने, ‘हामी पनि जेनजीको उमेरमा हुँदा खेतीकिसानदेखि मेहनत गरेकै छौँ, अहिले म राजकीय जिम्मेबारीमा हुँदा सबैतिर कृषि, व्यापार व्यवसाय भाईले सम्हालेका छन ।’
समाजवादीका नेता रावलले आफ्नो भौतिक घर, सम्पत्ती जल्दैनमा जनताको सेवा गर्न नछाड्ने समेत उद्घोष गरेका छन । ‘हामीले सक्दो जनताको सेवा गर्ने हो, ‘उनले भने, ‘जेनजी समुहको जायज आवाजमाथि प्रतिकृयावादी शक्तिले खेले, गाँउमा बाघ लागेर बाख्रा खाएको चिन्ता भन्दा बाघ पल्केको चिन्ता जन्माएको छ ।’ घर ध्वस्त पारेपछि पुर्ननिर्माणमा जुटेका समाजवादीका नेता रावलले नागरिकलाई शान्ति अमन चयन दिगो विकास तर्फ केन्द्रीत गर्नुपर्ने आब्हान गरेका छन । अहिलेको विषय परिस्थितिमा सयमित हुनुपर्नेदेखि व्यक्तिका घरदेखि सरकारी कार्यालय, ससद भवन, सिहदरबार जलेकाले खरानी टकटक्याएर शान्ति र सम्बृद्धि तर्फ उन्मुखको विकल्प नभएको सुझाव दिएका छन ।
