कञ्चनपुर
कोरोना रोकथामका लागि कञ्चनपुरको भीमदत्त नगरपालिका क्षेत्रका १३ स्थानमा हेण्डवास ट्याङकी जडान गरिएको छ ।
निड्स नेपाल कञ्चनपुरले अक्सफाम एचबिसीसी परियोजना अन्र्तरगत भीमदत्त नगरपालिका क्षेत्रका १३ स्थानमा खुट्टाले चलाउने हेण्डवास स्टेशन निर्माण गरेको हो । भिडभाँड हुने स्थानमा संक्रमण फैलिने र त्यसबाट बाँच्नका लागि भन्दै हेण्डवास ट्याङकी जडान गरिएको निड्स नेपाल अक्सफाम एचबिसी परियोजना संयोजक प्रयागराज रेग्मीले बताए ।
संयोजक रेग्मीका अनुसार भीमदत्त नगरपालिका २, ९, १०, ११, १२, १३, १८ र १९ वडा ब्रम्हदेब बजार, स्वाथ्य चौकी क्षेत्र, पिपरैया झोलुङ्गे बजार लगायतका क्षेत्रमा जडान गरिएको छ । ‘अहिले वडा कार्यालयमा विभिन्न कामकाज बढेको छ, ‘संयोजक रेग्मीले भने, ‘मानिसहरु टाढाबाट आएका हुन्छन, उनीहरुको सरसफाईका लागि समेत ट्याङकी जडान गरेका छौँ ।’
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
हेण्डवास सहित खुट्टाले थिच्दा माथिबाट पानी आउँदा हात धुन समेत सहज भएको उनले बताए । हेण्डवास राखिएको स्थान वडा, बजार र स्वास्थ्य चौकीलाई हेण्डबास, सेनिटाईजर र फ्लोर किलिनर गरिएको समेत संयोजक रेग्मीले बताए । भीमदत्त नगरपालिका स्वास्थ्य शााखा प्रमुख नरेन्द्र राज जोशीले खुट्टाबाट चलाउने मेसिन भएकाले थप सुरक्षित हुने बताए । ‘यो आधुनिक तरिकाको ट्याङकी छ, ‘संयोजक जोशीले भने, ‘खुट्टाबाट संक्रमण बढ्ने कुरै भएन् ।’ जनप्रतिनिधीले समेत हेण्डवास ट्याङकीबाट सेवाग्राहीका लागि हातधुन सहज हुने बताए ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
भीमदत्त नगरपालिका ९का वडाध्यक्ष राम नाथले नयाँ प्रविधिबाट हात धुने स्टेशनबाट सबैले हात धुएर कार्यालय प्रवेस गर्ने बताए । भीमदत्त नगरपालिका १३ वडाध्यक्ष लाल बहादुर शाहीले कोरोना रोकथामका साथै व्यक्तिलाई सरसफाई गर्न सहज भएको बताए । निड्स नेपाल कञ्चनपुरका अध्यक्ष अञ्जु भट्ट(जोशी)ले महामारीबाट बाँच्न आफु सरसफाई रहदा जोखिम न्यूनिकरण हुने बताए । आगामी दिनमा समेत निड्सले महामारीबाट बाँच्नका लागि योजना ल्याउने बताए ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)