दोधारा । दोधारा चाँदनीको बाबाथान सडक निमार्ण कार्य अघि बढाईने भएको छ् । दोधारा चाँदनी नगरपालिका– ७ बाबाथान बजारको अलपत्र मुल सडक खण्ड निमार्ण कार्यको लागी दोधारा चाँदनी नगरपालिका कार्यपालिकाको आजको बैठकले रकम बिनियोजन गरेपछि स्थानियहरु खुशी भएका हुन् । बैठकले बाबाथानको अलपत्र ढुङ्गे सडक निमार्णको लागी रु. २० लाख रकम बिनियोजन गरिएको दोधारा चाँदनी नगरपालिका– ७ का वडाध्यक्ष ज्ञानेन्द्र बहेक क्षेत्रीले जानकारी दिएका छन् । बाबाथान बजारमा २ सय मिटर मूल सडक खण्ड जीर्ण भएपछि वासिन्दा सास्ती खेप्दै आएका हुन् । ओटासिल प्रविधिमा केही वर्ष अघि गरिएको कालोपत्रे सडक जीर्ण भएपछि स्थानीय आवतजावत तथा सवारी साधान आवागमनमा निकै समस्या भएको हो ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
आर्थिक २०७०/०७१ आर्थिक वर्षमा निमार्ण सुरु गरिएको उक्त ओटासिल सडक २०७५/०७६ मा सम्पन्न भएको हो । झण्डै १४ वर्षपछि निमार्ण गरिएको सडक जीर्ण भएपछि गत वर्ष एक निमार्ण कम्पनीले जीर्ण भएको सडकको निमार्ण कार्य सुरु गरेको हो । निर्माण कम्पनीले सडक निमार्ण कार्यलाई अलपत्र बनाएर छाडे संगै उक्त सडक नदीको बगर सरह भएको छ । बाबाथान बजार क्षेत्रको झण्डै २ सय मिटर सडक अलपत्र भए संगै स्थानिय तथा बजार व्यवसायीहरुले समय समयमा विरोध जनाउदै आएका हुन् ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
केही दिन अघि व्यावसायीहरुले सडक निमार्ण कार्य सुचारु गर्न दोधारा चाँदनी नगरपालिकाका मेयर किशोर कुमार लिम्बुलाई ज्ञापन पत्र बुझाएका थिए । व्यवसायीहरुले बाबाथान सडक निमार्ण कार्य अघि नबढाए तिन पाङग्रे र चार पाङग्रे सवारी साधन आवागमनमा प्रतिबन्ध लगाउने चेतावनी दिएको थियो ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
दोधारा चाँदनी नगरपालिका कार्यपालिका बैठकले सडक निमार्णको लागी बजेट बिनियोजन गरेसंगै स्थानियबासीहरु खुशी छाएको छ् ।
![](https://esudurdarpan.com/wp-content/uploads/2024/01/Belndai.jpg)