झलारी : सामाजिक विकास कार्यालय कञ्चनपुरले शुक्लाफाँटा नगरपालिकामा कञ्चनपुरका नौ वटै स्थानिय तहका शिक्षा तथा महिला बालबालिका शाखा प्रमुखहरुको सहभागीतामा समन्वय बैठक सम्पन्न गरेको छ । सामाजिक विकास कार्यालय कञ्चनपुरका प्रमुख धर्मराज जोशीको अध्यक्षतामा कार्यबाहक नगर प्रमुख कल्पना पन्तको प्रमुख आथित्यमा बैठक सम्पन्न भएको हो ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
बैठकमा सुदूरपश्चिम प्रदेश सरकाले पहिलो, दोश्रो र तेश्रो चौमासिकमा गरेका कामको जानकारी सहितको समिक्षा गरिएको छ । आगामी आबमा राख्नु पर्ने योजना तथा चौथो चौमासिकमा गर्ने कामहरुको कार्यान्वयन गर्ने सम्बन्धमा सहकार्य गरेर अगाडी बढने बैठकका सहभागीहरुले प्रतिवद्धता व्यक्त गरेको कार्यालय प्रमुख जोशीले बताउनु भयो ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
तीन वटै स्थानिय, प्रदेश र संघ सरकार विच समन्वय कायम गर्न बैठकले सहयोग पुरयाउने उहाँको भनाई रहेको छ । बैठकमा नौ वटै पालिकाका महिला बालबालिका शाखा प्रमुखहरु, शिक्षा शाखा प्रमुखहरु, शिक्षा विकास तथा समन्वय ईकाईका शाखा अधिकृत लगायतको सहभागीता रहेको थियो ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)