कञ्चनपुर : शनिबार सुदूरपश्चिम प्रदेशको कञ्चनपुर जिल्ला स्थित महेन्द्रनगरको मदन चौकमा तिहार लाई मध्यनजर गर्दै लत्ताकपडा वितरण गरिएको छ। ‘मानव धर्म, सर्व धर्म परोपकार नै धर्म हो, हाम्रो मान्यता र हाम्रो अनुरोध, छैन लगेर जानू होस्, छ दिएर जानू होस् भन्ने मुल नारालाई आत्मसात गर्दै शनिवार आई कियर यू ग्रुपले कपडा निःशुल्क वितरण गरेको छ ।
विजया दशमी तथा शुभ दिपावली तिहार मध्यनजर गर्दै निम्न आयस्रोत भएका चार पाँच सय जना लक्षित वर्गहरुलाई आई कियर यू ग्रुपले निःशुल्क रुपमा भाडाकुडा र लत्ताकपडा वितरण गरेको संस्थापक मञ्जु शाहिले बताउनु भयो। उनका अनुसार विगत तीन वर्ष देखि संचालनमा रहेको उक्त अभियान लाई निरन्तरता दिदै यो वर्ष पनि गरिब वर्गलाई मध्यनजर गर्दै वितरण गरिएको छ ।
उक्त कार्यक्रममा सल्लाहकार अमृत शाह, बिष्नु पनेरु, सुरज कुवर ,सरिता रावल लगायतको उपस्थिति रहेको थियो । वि. सं. २०६८ साल देखि आई कियर यू गुरुपले निरन्तरता पाउदै सामाजिक कार्यमा अग्रसर रहदै आएको छ। उक्त संस्थाले घाइते छाडा चौपाया जनावर लाई पनि उपचार गर्दै आएको छ।
