कञ्चनपुर : सत्यवादी माध्यमिक विद्यालय बनगाउको ४२औ वार्षिकोत्सव तथा अभिभावक दिवस भव्यताका साथ सम्पन्न भयेको छ । बिद्यालय ब्यबस्थापन समितिका अध्यक्ष रमेश दयालको अध्यक्षता तथा सुदूरपश्चिम प्रदेश सभा सदस्य मधु भारतीको प्रमुख आतिथ्यमा सम्पन्न कार्यक्रमको सञ्चालन विद्यालयका बरिष्ट शिक्षक जगदीश ओझाले गरेका थिए ।
शहीद दिवसको समेत अवसर पारेर मनाइने वाषिर्कोत्सवमा भीमदत्त नगर पालिकाका नगर प्रमुख पदम बोगटी, सुदूरपश्चिम नीति तथा योजना आयोगका सदस्य डा हिरा चन्द, नगर उपप्रमुख निलम लेखक, नगर प्रबक्ता पदमराज अवस्थी, सामाजिक बिकास समिति शुशीलकुमार भट्ट, शिक्षा शाखा प्रमुख हरिदत्त जोशी,शिक्षक महासंघ अध्यक्ष निर्मला जोशी
लगायतका विशिष्ट अतिथि रहेका थिए। कार्यक्रममा प्रधानाध्यापक सुरेन्द्रसिह साउदले बिद्यालयको बार्षिक प्रतिबेदन तथा योजना प्रस्तुत गरेका थिए। विद्यालयमा बर्ष भरि सम्पन्न गरेका बिभिन्न कार्यक्रमहरूका पुरस्कार विद्यार्थीहरूलाई प्रदान गर्नुको साथै विद्यालयको अक्षयकोषमा योगदान गर्नु हुने तथा सहयोगी १७जनालाई सम्मान गरिएको थियो ।विद्यार्थी कल्याणकारी अक्षयकोष स्थापना गर्न गत वर्षको वार्षिकोत्सवमा घोषणा भयेकोमा एक वर्षमा साढे छ लाख रकम संकलन भयेको जानकारी कार्यक्रममा गरिएको थियो। कोषमा सर्वाधिक ४लाख रूपियाँसम्म बनगाउ निवासी वागेश्वरी चन्दले दान गर्नु भयेको छ।
कार्यक्रममा उत्कृष्ठ शिक्षक अभिभावक तथा विद्यार्थीलाई समेत सम्मान गरिएको थियो। उत्कृष्ठ अभिभावक शंकर थापा, उत्कृष्ठ शिक्षक हिमालय प्रसाद पन्त, वासुदेव विष्ट, र पार्वती चन्द, उत्कृष्ठ खेलाडी अनिसा लुहार , तपेन्द्र खडका, शुवोध शर्मा, रश्मी चन्द, वर्ष विद्यार्थी रिसुम साउद लाई कार्यक्रममा प्रमाणपत्र , ट्रफि तथा दोसल्ला प्रदान गरि सम्मान गरिएको थियो ।त्यसै गरि उत्कृष्ठ एथलिट अनुसार लुहारलाई खेल शिक्षक बासुदेब बिष्ट ले नगद पुरूस्कार, एस इ इ परिक्षामा लेखा बिषयमा ए प्लस नतिजा ल्याउने गजल दयाल र अमृता कोलीलाई बिषय शिक्षक जगदीश ओझाले पुरस्कृत गरेका थिए।
कार्यक्रममा बोल्दै महेन्द्रनगर नमूना मा वि तथा बैजनाथ मा वि का ब्यबस्थापन अध्यक्षद्वय बिरेन्द्रराज बिष्ट तथा अच्युत राज कलौनीले सत्यवादी मा वि का छात्रछात्रालाई उक्त विद्यालयको कक्षा ११/१२मा ५०%छात्रबृति दिने घोषणा गरेका थिए। भने विपन्न तथा दलित समुदायका वालवालिकाहरू अध्ययन गर्ने सत्यवादीमा छात्रवृति, भौतिक निर्माण तथा अन्य ब्यबस्थापनमा सहयोग गर्ने कुरा कार्यक्रमका प्रमुख तथा बिशिष्ट अतिथिहरूले घोषणा गर्नु भयेको थियो। कार्यक्रममा एक दर्जन बढी विद्यार्थीहरूका सास्कृतिक प्रस्तुति रहेका थिए । कार्यक्रमका अन्य बक्ताहरूमा सुरेन्द्रराज ओझा, निर्मला जोशी, गायक शेरे आउजी तथा एस पि विन्दास, रहेका थिए भने स्वागत मन्तब्य शिक्षक मोहन सिह साउद, विद्यार्थी रिसुम साउद, स्वागत गीत बासुदेव बिष्ट, बिद्यालयबारेको मन्तब्य बिद्यार्थी करूणा थापा तथा सञ्जय थापाले राखेका थिए। निरन्तर ८घन्टा सम्म निरन्तर चलेको कार्यक्रममा सभाध्यक्ष रमेश दयालले बिद्यालयको स्तर उकास्न तथा कार्यक्रम सफल पार्न सहयोग पुर्याउने सबैलाई धन्यवाद ब्यक्त गरेका थिए।
