कञ्चनपुर: सञ्जिवनी नेपाल कञ्चनपुरले अन्र्तराष्ट्रिय महिला दिवसको अवसरमा विपन्न महिलालाई खाद्यान्न सहयोग गरेको छ । बुधबार सञ्जिवनी नेपाल कञ्चनपुरले १ सय १४ औँ अन्र्तराष्ट्रिय महिला दिवसको अवसरमा विपन्न महिलालाई खाद्यान्न सहयोग गरेको हो । सञ्जिवनी नेपाल कञ्चनपुरका कार्यकारी निर्देशक नितु भट्टले अन्र्तराष्ट्रिय महिला दिवसको अवसरमा भीमदत्त नगरपालिका १३ का विपन्न एव मजदुर महिला परिवारलाई खाद्यान्न वितरण गरेको बताए ।

उनका अनुसार २४ परिवारलाई खाद्यान्न वितरण गरिएको छ । सञ्जिवनी नेपालका कार्यकारी निर्देशक भट्टले अन्र्तराष्ट्रिय महिला दिवसकै दिन उक्त विपन्न महिलाले काम गरिराख्नुपर्ने बाध्यता हटाउनका लागि केही दिनका लागि पुग्ने भएपनि खाद्यान्न सहयोग गरेको बताए । भीमदत्त नगरपालिका १३का वडाध्यक्ष राम बहादुर बोहरा(झक्कास)ले अन्र्तराष्ट्रिय महिला दिवसको अवसरमा सञ्जिवनी नेपाल नयाँ तरिकाले दिवस मनाएको विषय सरानिय भएको बताए । खाद्यान्न पाएका विपन्न समुदायका महिलाले आभार प्रकट गरेका छन ।