वेदकोट : वेदकोट नगरपालिका वडा नम्वर ९ मा सुन्दरपुर खेलकुद विकास समितिको आयोजनामा विहिवार बाट सञ्चालन भएको खुल्ला फुटवल प्रतियोगीता आज समापन भएको छ । खुल्ला फुटबल प्रतियोगितामा जम्मा १२ टिमको सहभागीता रहेका थिए सोमबार भएको अन्तीम खेलमा आयोजका बि र इन्टरनेश्नल पब्लिक स्कुल बिचको खेलमा इन्टरनेस्नल पब्लिक इस्कुलले आयोजक बि लाई ० का विरुद्ध २ गोलको अग्रतामा अन्तिम खेल जितेको छ ।
जित संगै इन्टरनेश्नल पब्लिक स्कुलले नगद ३५००० हजार ट्रफि, मेडल र प्रमाण पत्र हात पारेको छ । त्यसै गरी आयोजक बि ले नगद १५००० हजार ट्रफि, मेडल र प्रमाण पत्र हात पारेको छ । समापन कार्यक्रमा सुन्दरपुर खेलकुद बिकास समितिका खेलाडी क्षितिज धामी र अबिनाश ऐडीलाई प्रमाण पत्र सहित सम्मान गरेको छ । क्षितिज धामी १६ वर्ष मुनि मनाङ मस्र्याङ्दी क्लवमा अनुवन्धीत भएका हुन भने अबिनाश ऐडी १९ वर्ष मुनि शुदुरपश्चिमको समुहमा छनौट भएका हुन ।
कार्यक्रम सुन्दरपुर खेलकुद विकास समितिका अध्यक्ष जय सिंह धामीको सभापतित्वमा, प्रमुख अतिथि वेदकोट नगरपालिकाका पुर्व नगरप्रमुख अशोक कुमार चन्द रहनु भएका थिए अतिथिमा वेदकोट नगरपालिका ९ वडा अध्यक्ष जनक वहादुर विष्ट, ९ का पुर्व अध्यक्ष राम सिंह धामी, संघ संस्थाका प्रतिनिधि, राजनितिक दलका प्रतिनिधि तथा गाँउका अग्रज प्रतिनिधिहरु, पुर्व खेलाडीहरु को उल्लेखनिय उपस्थीति रहेको थियो ।
