कञ्चनपुर : कुटपिट मुद्दा कञ्चनपुरका एक फरार अभियुक्त पक्राउ परेका छन । कुटपिट मुद्दा लागेर तीन दशकदेखि फरार भएका अभियुक्त पक्राउ परेका हुन । जिल्ला प्रहरी कार्यालय कञ्चनपुरका प्रवक्ता प्रकास डाँगीले कुटपिट मुद्दामा फरार भएका दोधाराचाँदनी नगरपालिका ९ बस्ने धन बहादुर सुनारलाई पक्राउ गरिएको बताए ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
सुनार ०५०सालतिर कुटपिट घटनामा संलग्न भएका थिए । कुटपिट घटनामा संलग्न भएका सुनारलाई १५ फागुन ०५०सालमा जिल्ला अदालतले ६ महिना कैद र २ हजार जरिवाना फैसला गरेको थियो । ‘सुनारले अदालतबाट तोकिएको कैद र जरिवाना नतिरेर लुकिछिपी बसेका थिए, ‘प्रवक्ता डाँगीले भने, ‘अपराध गरेर अदालतबाट पुष्टी भएका व्यक्ति लुकिछिपी बसेका रहेछन ।’
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
युवा अवस्थामा अपराध गरेका सुनार बृद्धपछि सजाय भोकिरहेका छन । उनलाई घरबाटै पक्राउ गरेर प्रहरीले आदालत पेश गरेको छ । प्रहरीले ३० बर्षपछि पक्राउ गरेर अदालत हुुँदै कारागार चलान गरेको छ । ३०बर्ष अघि अपराध गरेका सुनार ढिलैभएपनि कानुनको फन्दामा परेको यो घटनाले कानुन छल्नै नसकिने देखिएको छ ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)