विदेशीयका यूवा वेत, बाँस उद्योगमा व्यस्त

स्थानिय तह बाट पाएनन् सहयोग

  • 44
    Shares

कञ्चनपुर
२ वर्ष पहिले दुबईमा काम गरेर स्वदेशमै केही गर्न सकिन्छ कि भन्दै घर फर्केका कञ्चनपुरको मेहेन्द्रनगरका एक मेहेनती, लगनशील यूवा वेत,बाँस, अम्रिसो तथा निङ्गालो बाट विभिन्न आकर्षक एवं उपयोगी सामग्री उत्पादन र विक्रीबाटै लोभलाग्दो आम्दानी गरिरहेका छन् । भने उक्त वेत बाँस लघु उद्योगमार्फत व्यावसायीक सफलता समेत प्राप्त गरेका छन् । भीमदत्त नगरपालिका १८ बागवाणी टोलका २९ वर्षीय सागर क्षेत्री अहिले वेत तथा बाँस उ्द्योगमा व्यस्त रहेका छन् । २०७५ सालमा ५२ लाख रुपैयाको लगानी लगाएर स्थापना गरिएको विन्ध्यावासनी वेत तथा बाँस लघु उद्योगबाट २ वर्षको अवधिमा उनले लागत कटाएर ६२ लाख बराबर बचत गरेका छन् । उक्त मुनाफा रकमलाई समेत क्षेत्रीले व्यवसायको विस्तार तथा व्यवसायीक सम्भावनामा लगाएका छन् । लघु उद्योग सँगै विन्ध्या बट्टै कृषि फर्म पनि सञ्चालनमा ल्याएर ३ सय ५० बट्टै चरा तथा अन्य लोकल कुखुरा पालन व्यवसायलाई पनि अगाडि बढाएका छन् । निकट भविष्यमा व्यवसायलाई विस्तार गर्ने तथा ब्राण्डकै रुपमा स्थापना गर्ने सोचाई लिएका छन् ।

उक्त उद्योगबाट सफलता पाएपछि त्यो सँगै विन्ध्या बट्टै फर्म पनि १२ लाखको लगानीमा सञ्चालनमा ल्याउनुका साथै ह्याचरी समेत ल्याएर यसै वर्ष भित्र सात हजार चल्ला उत्पादन गर्ने लक्ष्य लिएका छन् । भीमदत्त नगरपालिका–१८ जानकी टोलमा अर्काको जमिन भाँडामा लिएर उक्त व्यवसाय लाई व्यवस्थित रुपमा अगाडि बढाउदै आएका छन् ।
उक्त उद्योगमा दैनिक रुपमा ३० जनाले काम पाएका छन् । कामदारहरुको काम अनुसार १५ देखि ३० हजार सम्म कमाउने गरेका छन् । जसले गर्दा रोजगारीको सिर्जना भएको छ । उक्त लघु उद्योगमा व्यावसायीक सिप विकास तथा तालिम केन्द्र र उद्योग वाणिज्य संघका सहकार्यमा वेत बाँसाका सामाग्री निर्माण सम्बन्धी ४५ दिने तालिम समेत सञ्चालन गरिएको छ ।। एकल महिला तथा गरिबहरुलाई प्राथमिकतामा राखेर सिप दिईरहेका छन् ।

स्वदेशी सामाग्रीको प्रयोग गरौँ, स्वदेशमै रोजगारीको सिर्जना गरौँ भन्ने उद्देश्यले उद्योग स्थापना गरेको र त्यसै अनुसार धेरै जना लाई सिप सिकाईएको तथा आंशिक समय भएपनि ३० जना भन्दा बढीले रोजगारी पाएको यूवा उद्यमी क्षेत्रीले बताए । लकडाउनमा अन्य वेत तथा बाँस का सामाग्री को व्यापारमा कमी आएतापनि फुल कुच्चो र सिन्की कुच्चोको माग धान्नै गाहे भएको यूवा व्यवसायी सागरका बुबा लाल बहादुर क्षेत्रीले बताए । उनले राज्यले आफ्नो उद्यमलाई सम्मान गरी उत्पादीत वस्तु तथा सामाग्रीको बजार व्यवस्थापन गर्न सहयोग मात्रै गरिदिए आफूहरुमा हौसला पाईने बताए ।

देशमा गर्न चाहनेका लागि धेरै कुरा रहेको र सबैले सम्भावनाको खोजीमा जुट्नुपर्ने सागरको सुझाव छ ।
स्वदेशमै स्वरोजगारसहित अरुलाई समेत काम दिन पाउँदा आत्मसन्तोष मिल्ने गरेको उनको अनुभव छ ।
उनले दुई/ढाई लाख रुपैया ऋण लगाएर विदेश जानुभन्दा यतै सिप सिएर सानै उद्योग गरेर पनि राम्रो आर्थिक लाभ प्राप्त गर्न सकिने वताए । उक्त उद्योगका लागि आवश्यक पर्ने वेत तथा बाँस, अम्रिसो लगायतका कच्चा पदार्थ आपूर्तीमा कमी हुन नसक्दा पूर्वका जिल्लाबाट मागाउनुुपर्ने बाध्यता रहेको छ । सुदूरपश्चिममा प्रयाप्त कृषि सम्भावना रहेतापनि कृषकले काम गर्ने वातावरण राज्यले निर्माण गरिदिनुपर्नेमा सागरको जोड छ । विन्ध्यवासनी बाँस तथा वेत उद्योगबाट विभिन्न खालका घर सजावटदेखि कार्यालयमा समेत उपयोगी हुने विभिन्न खाले टेबल, गार्डिङग टेबल, कुर्ची,फुल डाली, सीँडी लगायतका आकर्षक र उपयोगी सामाग्रीहरु निर्माण गरिन्छ । ती सामाग्रीहरुको माग अहिले सुदूरपश्चिमका पहाडी जिल्लाबाट समेत हुन थालेको छ ।

सीप युक्त कामदार नेपालमा नमिल्दा भारतबाट मगाउनुपर्ने अवस्था रहेको छ । जि.सी. ब्राण्डका नामले झाडुलाई व्यावसायीक प्रख्याती दिने दिर्घकालीन सपना लिएका छन् । भीमदत्त नगरपालिका लगायतका राज्यका अन्य निकायमा पहल गर्दा समेत कुनै सहायता पाउँन नसकिएको र सहयोग पाए उद्योगमा अझै ३० जना यूवालाई रोजगारी दिने क्षमता रहेको यूवा व्यावसायी क्षेत्रीको भनाई छ । उक्त लघु उद्योगको अवधारणा नौलो रुपमा आएको देखिन्छ । यस्ता सिर्जनात्मक तथा रचानात्मक उर्जाबाट सञ्चारित भई परिवार, समाज र देशलाई समृद्ध बनाउने दिशा लाग्ने यूवा उद्यमी सगरको व्यावसायीक योजनासँगैको अन्य यूवाहरुलाई पनि रोजगारीमा डो¥याउने भावि लक्ष्यमा राज्यले पनि साथ सहयोग गर्न सक्नुुपर्छ । जसले विदेशीने यूवाको लर्को अलिकति भएपनि कम हुने आशा गर्न सकिन्छ ।

  • 44
    Shares

LEAVE A REPLY

Please enter your comment!
Please enter your name here

ताजा समाचार

बझाङमा खुडा प्रहार गरि युवककाे हत्या

बझाङ           बझाङमा खुँडा प्रहार गरि युवकको हत्या गरिएको छ। जिल्लाको छबिसपाथिभेरा गाउँपालिका वडा नम्बर ३ का अमृत सिंहको खुँडा प्रहार...

बझाङमा खुँडा प्रहार गरि युवकको हत्या

बझाङ बझाङमा खुँडा प्रहार गरि युवकको हत्या गरिएको छ। जिल्लाको छबिसपाथिभेरा गाउँपालिका वडा नम्बर ३ का अमृत सिंहको खुँडा प्रहार गरि हत्या गरिएको जिल्ला प्रहरी...

दोस्रो दिनको खेलमा रोयल गोर्खा र पिएफए विजय

महेन्द्रनगर, सुदूरपश्चिम प्रदेशको कञ्चनपुर जिल्ला स्थित महेन्द्रनगरको खुलामञ्चमा जारी प्रथम युनाइटेड खुल्ला आमन्त्रण फुटबल प्रतियोगितामा रोयल गोर्खा महेन्द्रनगर र पिएफए अत्तरीयाले विजय सुरुवात गरेको छ।दोस्रो...

प्रचण्ड नेपाल पक्षीय नेकपाद्वारा धनगढीमा हुने बिरोध सभा तथा प्रर्दशनमा कञ्चनपुरबाट उल्लेख्य सहभागिता गराईने

कञ्चनपुर प्रतिनिधी सभा सदस्य विघटन बिरुद्धमा प्रचण्ड नेपाल पक्षीय नेकपाले माघ १७ गते (शनिबार)का दिन धनगढीमा गर्ने बिरोध प्रर्दशन तथा सभामा कञ्चनपुरबाट उल्लेख्य सहभागिता गराईने...

जेहेन्दार विपन्न समुदायका विद्यार्थीलाई स्वीटर वितरण

कञ्चनपुर शिखरदिप बचत तथा ऋण सहकारी संस्थाले कृष्णपुर नगरपालिका क्षेत्रका जेहेन्दार विपन्न समुदायका विद्यार्थीलाई स्वीटर वितरण गरेको छ । कृष्णपुर नगरपालिका २ वाणीमा रहेको उदय...