पुष्कर भट्ट
बाल उद्यानमा भएको भ्रष्टाचार छानबिनका लागि नगरपालिकासंग माग गर्ने सहमती भएपछि भीमदत्त नगरपालिका १६ नम्बर वडा कार्यालयको ताला खुलेको छ ।
वडाध्यक्ष सुरेन्द्र विष्ट र आन्दोलतरन पक्षधरविच बाल उद्यानमा भएको भ्रष्टाचार छानबिनका लागि नगरपालिकासंग माग गर्ने सहमती भएपछि भीमदत्त नगरपालिका १६ नम्बर वडा कार्यालयको ताला खुलेको हो । वडाध्यक्ष विष्टले बाल उद्यानमा भएको भ्रष्टाचार, किर्ते दस्तखत प्रकरण छानबिनका लागि नगरपालिकासंग पहल गर्ने र पत्राचार गर्ने सहमती भएपछि ताला खुलिएको बताए ।
काँग्रेस, राप्रपा लगायत स्थानीय नेता कार्यकर्ताले नगरपालिका र नेपाली सेनाको संयुक्त लगानीमा निर्माण भएको बाल उद्यानमा भ्रष्टाचार भएको भन्दै साउन पहिलो साता वडा कार्यालयमा तालाबन्दी गरेका थिए । वडा कार्यालयमा तालाबन्दी गरेका उनीहरुले भ्रष्टाचारका लागि अख्तियार र किर्ते कार्यका लागि प्रहरी प्रशासनमा समेत हार गुहार गरेका छन् । शौचालय बिनै निर्माण भएको पार्कमा भ्रष्टाचार गरेको स्थानीयको आरोपमा भने उपभोक्ता समितिले भ्रष्टाचार नभएको तर, केही व्यक्ति उपभोक्ता समितिमा बस्न नपाएको झोकमा आन्दोलनमा उत्रिएको दावि गरेका छन् ।
