नेपाल कम्युनिष्ट पार्टी नेकपा (विप्लव) कञ्चनपुरले प्रतिनिधी सभा सदस्य निरुदेवी पालको घरमा एमसीसी खारेजी सम्बन्धी कालो ब्यानर टाँसेको छ ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
शनिबार नेकपा विप्लव कञ्चनपुरले भीमदत्त नगरपालिका १७ बाँसखेडा स्थित सासंद पालको घर एमसीसी खारेजी सम्बन्धीको कालो ब्यानर टाँसेको हो । ‘राष्ट्रघाती एमसीसी सम्झौता खारेज गरौँ, राष्ट्रिय सार्वभौमिकताको रक्षा गरौँ’ नेपाल कम्युनिष्ट पार्टी कञ्चनपुर लेखिएको छ । यस अघि नेकपा विप्लव कञ्चनपुरले जिल्लाबाट प्रतिनिधी तथा राष्ट्रिय सभा सदस्यलाई पत्र काटेर एमसीसीको विपक्षमा उभिन पत्राचार गरेको थियो । अमेरिकाले नेपाल सरकारलाई सहयोग गर्ने भनिएको मेलेनियम च्यालेन्ज कर्पोरेशन(एमसीसी) संसदबाट पारित गर्नका लागि १६ असारसम्म तयारी भएपनि संसद १७ असारमा सारिएपछि अन्यौलता छाएको छ ।
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
स्वयम सत्तारुढ दलभित्रै एमसीसीको विषयमा विवाद छ । एमसीसी खारेजीको विषयमा काठमाण्डौँ लगायत विभिन्न स्थानमा प्रर्दशन जारी छ । प्रमुख प्रतिपक्षीय दल नेपाली काँग्रेस, राप्रपा लगायतले एमसीसी पारित हुनुपर्ने माग अघि सारेका छन् । एमसीसीलाई लिएर राजनीति दल, स्वयम सरकार संचालन गरेको दलभित्रै विवाद हुदा नागरिकमा एमसीसी नेपालको हित वा हित विपरित बारे अझै बुझिएको छैन् ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)