नयाँदिल्ली – रतीय सेनाप्रमुख एमएम नाराभानेले अनपेक्षित रुपमा नेपाल र भारतको सम्बन्ध सधैँ बलियो हुने बताएका छन् ।
![](https://esudurdarpan.com/wp-content/uploads/2024/01/7adaf056-1371-435a-8f36-0468544720ac.jpg)
नेपालको संसदमा नयाँ नक्सासहितको राष्ट्रिय चिन्ह जारी गर्नुअघि उनले यस्तो बताएका हुन् । नेपाल र भारतको सम्बन्ध भविष्यमा पनि बलियो रहने उनको प्रतिक्रिया छ । नेपालको संसदमा शनिबार नै लिपुलेक, लिम्पियाधुरा र कालापानी सहितको नक्सालाई औपचारिकता दिन संविधान संशोधन गरिँदैछ ।
![](https://esudurdarpan.com/wp-content/uploads/2024/01/7d2760c2-08b4-4b4c-91a7-3fad66a6051c.jpg)
यसको केही घण्टाअघि मात्रै भारतीय सेनाप्रमुखले नेपालसँगको सम्बन्धबारे खुलेर बोलेका हुन् । जब कि, नेपाल सरकारले लिपुलेक, लिम्पियाधुरा र कालापानी सहितको नक्सा जारी गर्दा भारतीय सेनाप्रमुखले नेपाललाई चीनबाट निर्देशित भएको आरोप लगाएका थिए ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
साथै उक्त भूभाग भारतकै भएको उनको दावी थियो । ‘नेपालसँग हाम्रो बलियो सम्बन्ध छ, हामीसँग भौगोलिक, सांस्कृतिक, ऐतिहासिक, धार्मिक सम्बन्ध छन् । हामीसँग जनता-जनताबीच पनि बलियो सम्बन्ध छ । उनीहरुसँग हाम्रो सम्बन्ध सधैँ बलियो हुनेछ र भविष्यमा पनि सधैँ रहिरहनेछ,’ भारतीय सेनाप्रमुख एमएम नाराभानेले भने ।
नेपालको संसदमा भने शनिबार दिउँसो नै संविधान संशोधन हुँदैछ । गत महिना मात्रै भारतीय सेनाप्रमुखको अभिव्यक्तिलाई लिएर नेपालका नेताहरुबाट पनि टिप्पणी आएका थिए । नाराभानेको पछिल्लो अभिव्यक्तिलाई अनपेक्षित ठानिएको छ ।
![](https://esudurdarpan.com/wp-content/uploads/2024/01/Belndai.jpg)