कञ्चनपुर : कञ्चनपुरको पश्चिमी गड्डाचौकी भन्सार रोड क्षेत्रबाट अवैध समान ल्याउने क्रममा सशस्त्र प्रहरीले बरामद गरेको छ । सशस्त्र प्रहरी बल ३५ नम्बर शैलेश्वरी गणका अनुसार गड्डाचौकी भन्सार रोड क्षेत्रबाट अवैध समान ल्याउने क्रममा सशस्त्र प्रहरीले बरामद गरेको हो ।
सशस्त्र प्रहरी नायक उपरीक्षक(डिएसपी) चुनराज थापाको नेतृत्वमा खटिएको टोलीले एक लाख १० हजार, ७४०रुपैया बराबरको भन्सार छलेको समान बरामद गरेको छ । किराना सहित कपडा, चिसो पदार्थ व्यवसायिक समान तस्करी गरिरहेको अवस्थामा सशस्त्र प्रहरीको फन्दामा परेर भन्सार बुझाएको छ ।
सशस्त्र प्रहरी उपरीक्षक(एसपी) प्रेम प्रकास सिग्देलले कञ्चनपुर सशस्त्र प्रहरी बलको कमाण्ड सम्हालेपछि सशस्त्र प्रहरीले जिल्लाका तस्कर समुहमाथि एक्सन चलाएको छ ।
