कञ्चनपुर: प्रतिनिधि सभा सदस्य निर्वाचन सम्पन्न भएको ५ दिन मै खर्च विवरण बुझाउने पहिलो नेता बालेन्द्र शाह बनेका छन्।
झापा ५ बाट निर्वाचित भएका रास्वपाका वरिष्ठ नेता बालेन शाहले आफ्नो चुनाव खर्च निर्वाचन कार्यालयमा बुझाएका छन्। प्रतिनिधिमार्फत उनले सोमबार खर्च विवरण बुझाएका हुन्।
उनको विवरणअनुसार निर्वाचनमा १४ लाख १७ हजार २८९ रुपैयाँ खर्च भएको छ। झापा ५ मा एमाले अध्यक्ष केपी शर्मा ओलीलाई पराजित गरी उनी निर्वाचित भएका हुन्।
