महेन्द्रनगर: कञ्चनपुर जिल्ला स्तरीय यू-१७ पुरुष फुटबल छनौट कार्यक्रम सम्पन्न भएको छ।
कञ्चनपुर जिल्ला फुटबल संघद्वारा कञ्चनपुर जिल्ला स्तरीय यू- १७ पुरुष फुटबल छनौट कार्यक्रम जिल्लाका तीन वटा क्षेत्रमा सम्पन्न गरिएको जिल्ला फुटबल संघका महासचिव नितेश रावलले जानकारी दिएका छन्।
उनका अनुसार जिल्लाको दक्षिणी क्षेत्र पुनर्वास नगरपालिका न्यू भानु युवा क्लब प्राङ्गण, कृष्णपुर नगरपालिका मछेली खेलमैदान र भीमदत्त नगरपालिका महेन्द्रनगरको खुलामञ्चमा प्रथम चरणको खेलाडी छनौट कार्यक्रम सम्पन्न भएको हो।
उक्त छनौट कार्यक्रमलाई सफलतापुर्बक सम्पन्न गर्न महत्त्वपूर्ण भुमिका निर्वाह गर्नुहुने प्रशिक्षकहरु पुष्कर शाही, भरत महता, हिमाल मल्ल, लोक पातली र सुवास कोली, फुटबल संघका पदाधिकारीहरु, फुटबल संघका ग्रासरुट समिती सदस्य किरन परियार, खेलाडी खेलप्रेमी र फुटबल संघलाई छनौटका लागि खेलमैदान उपलब्ध गराउनु भएका न्यू भानु युवा क्लबका अध्यक्ष, मछली खेलमैदानका संरक्षक तथा कृष्णपुर न.पा.-२ का वडा अध्यक्ष अर्जुन साउद, खेल प्रेमी खेलाडी हेमन्त राना लगायत सहयोगी हातहरु छनौट कार्यक्रममा फुटबल संघलाई एम्बुलेन्स, मेडिकल किट, स्वास्थ कर्मी लगायत आवश्यक सामाग्री सहयोग गर्नुहुने संघसंस्था स्वास्थ्य कार्यालय कञ्चनपुर, भीमदत्त नगरपालिका र महाकाली प्रादेशिक अस्पताल लाई फुटबल संघले धन्यवाद समेत विशेष धन्यवाद दिएको छ। जिल्लाको तीन वटा क्षेत्रमा सम्पन्न भएको छनौट खेलाडीको नामावली केही दिन भित्र सार्वजनिक गरिने संघले बताएको छ।
