दामोदर अर्याल
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
नरहरीपुर कराते डोजो मच्छेगाउँका सोनिम मानन्धर पुरुष तर्फ र संजु देशार प्रथम जेकेए यु ¬१९ ई (अनलाईन) काता कम्पिटिशनमा स्वर्ण हात पारेका छन् । जुनियर कराते एकेडेमीको आयोजनामा भएको अनलाईन काता कम्पिटिशनमा सोनिमले २४.६ अंक हात पार्दै स्वर्ण जितेका थिए । खगेन्द्र चामलिङ्ग राई २४.२ अंकका साथ दोश्रो र २४ अंकका साथ रेहान जावेद तेश्रो भए ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
महिला तर्फ संजु देशारले २३.६ अंकका साथ स्वर्ण प्राप्त गरिन् । नरहरी पुरकी देशारले नेपालमा आयोजना भएको उपराष्ट्रपति कपमा काता र कुमुते दुवै तर्फ स्वर्ण हात पारेकी थिईन् । यस्तै उनले भारतको मुम्बईमा आयोजना भएको एशिया कपमा पनि कुमिते र काता दुवै तर्फ स्वर्ण हात पारेको नरहरीपुर डोजोका प्रमुख एवं प्रशिक्षक रविन्द्र मानन्धरले जानकारी गराए । देशारले मिरा खातीलाई पछाडी पारेकी थिईन् । दोश्रो स्थानमा रहेकी खातीले २३.३ अंक प्राप्त गरेकी थिईन् । तेश्रो स्थानमा रहेकी बर्षा बुढामगरले २३.२ अंक प्राप्त गरिन् ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
पुरुष तर्फ नरहरीपुरका सत्कार घर्तीमगर र महिला तर्फ एलिना राई उदियमान खेलाडी घोषित भए । २८ सेप्टेम्बर देखि १० अक्टोबर सम्म भएको प्रतियोगिताको नतिजा ढिलोगरि मंगलबार राती प्राप्त भएको प्रशिक्षक मानन्धरले जानकारी गराए ।
![](https://esudurdarpan.com/wp-content/uploads/2024/01/Belndai.jpg)