कञ्चनपुर : ग्लोबल इन्स्टिच्युट अफ इन्फरमेसन एन्ड टेक्नोलोजी प्रालिले विद्यार्थी तथा युवाहरूलाई लक्ष लक्षित गरी विभिन्न निःशुल्क र सुलभ शुल्कका तयारी कक्षाहरू सञ्चालन गर्ने घोषणा गरेको छ। यो पहलले स्थानीय समुदायमा प्राविधिक र भाषिक सीप विकासलाई प्रोत्साहन गर्ने उद्देश्य राखेको छ। संस्थाले निःशुल्क कम्प्युटर कक्षा, अङ्ग्रेजी भाषा तयारी कक्षा र जापानी भाषाका एन-फाइभ तथा एन-फोर स्तरका कक्षाहरू सञ्चालन गर्नेछ। इन्स्टिच्युटका संस्थापक विष्णु साउदले यो कार्यक्रमले विशेष गरी आर्थिक रूपमा कमजोर विद्यार्थीहरूलाई अवसर प्रदान गर्ने बताए। “हामीले यी कक्षाहरूलाई निःशुल्क र सुलभ बनाएर सबैलाई समान अवसर दिन खोजेका छौँ,” उनले भने।
“कम्प्युटर र भाषा सीप आजको समयमा अत्यावश्यक छ, र हामी चाहन्छौँ कि हाम्रा विद्यार्थीहरू विश्व बजारमा प्रतिस्पर्धी बनुन्।” त्यसैगरी, कोरियन भाषा कक्षा महेन्द्रनगर र धनगढी शाखामा मात्र १० हजार रुपैयाँ शुल्कमा सञ्चालन गरिने साउदले जानकारी दिए। कोरियन भाषा कक्षाले विशेष गरी दक्षिण कोरियामा रोजगारीका अवसर खोज्ने युवाहरूलाई लक्षित गरेको छ। यी कक्षाहरूले व्यावहारिक र रोजगारीमुखी शिक्षामा जोड दिने उनको भनाइ छ। महेन्द्रनगर शाखा प्रमुख रोशन साउदले टाढाबाट पढ्न आउने विद्यार्थीहरूका लागि होस्टेल सुविधा उपलब्ध रहेको बताए। “हामीले विद्यार्थीहरूको सुविधालाई ध्यानमा राखेर किफायती र गुणस्तरीय होस्टेल व्यवस्था गरेका छौँ,” उनले भने। “यो सुविधाले ग्रामीण क्षेत्रका विद्यार्थीहरूलाई पनि सहज रूपमा पढ्ने अवसर प्राप्त हुनेछ।” साउदले यी कक्षाहरूले स्थानीय युवाहरूको आत्मविश्वास र सीप विकासमा ठुलो योगदान पुर्याउने विश्वास व्यक्त गरे।
त्यसैगरी गुलरिया शाखा प्रमुख पंकज भट्टले गरिब, असहाय तथा जेहेन्दारलाई एक महिना निःशुल्क कम्प्युटर, अङ्ग्रेजी, जापनिज, कोरियन, आईईएलटीएस, पिटिई र ट्युसन कक्षाहरू सञ्चालन गरिने बताएका छन्। ग्लोबल इन्स्टिच्युटले विगत १५ वर्षदेखि नेपाल र भारतमा ६ वटा शाखा सञ्चालन गर्दै विद्यार्थीहरूलाई प्राविधिक र भाषिक शिक्षा प्रदान गर्दै आएको छ। संस्थाले कम्प्युटर, अङ्ग्रेजी, जापानी, कोरियन, आईईएलटीएस, पिटिई र ट्युसन कक्षाहरू सञ्चालन गरेर हजारौँ विद्यार्थीहरूलाई रोजगारी र उच्च शिक्षाको बाटोमा सहयोग पुर्याएको छ। स्थानीय समुदायले यो कदमको स्वागत गरेको छ, र धेरैले यसलाई विद्यार्थीहरूको शैक्षिक विकासमा कोसेढुंगा हुने विश्वास व्यक्त गरेका छन्। इन्स्टिच्युटले आगामी दिनमा थप नवीन र उपयोगी कार्यक्रमहरू ल्याउने योजना बनाएको छ। भारतमा १७ वर्षदेखि इन्स्टिच्युट सञ्चालन गर्दे आएका ग्लोबलका संस्थापकहरू विष्णु साउद र बिबि भण्डारीले नेपालका विद्यार्थीलाई पनि विश्व बजारमा प्रतिस्पर्धी गराउने उद्देश्यले इन्स्टिच्युट सञ्चालनमा ल्याएका हुन्।
