रामलीला समिति कञ्चनपुरको आयव्यय सार्वजनिक

कञ्चनपुर : रामलीला समिति कञ्चनपुरले आयव्यय सार्वजनिक गरेको छ । रामलीला समिति कञ्चनपुरले १ कार्तिकदेखि १४सम्म महेन्द्रनगर खुला मञ्चमा आयोजना गरेको रामलीला महोत्सवको आयव्यय सार्वजनिक गरेको हो । मंगलबार पत्रकार सम्मेलन गर्र्दै समितिले आयव्यय सार्वजनिक गरेको जनाएको छ । रामलीला समितिका महासचिव नरेन्द्रराज जोशीले महोत्सवमा भएको आम्दानी र खर्चको विवरण सार्वजनिक गरिएको बताए । रामलीला समिति मुल आयोजक समितिका संयोजक लक्ष्मीदत्त पाण्डेयले प्रस्तुत गरेको प्रशासनिक तथा आर्थिक प्रतिवेदन अनुसार १२लाख, ३१ हजार, ६२६रुपैया नगद आम्दानी मध्ये २४ हजार ३सय १०रुपैया मात्रै बचत भएको छ । यस पटक भक्तजन, स्थानीयबाट मात्रै भएको आम्दानीले महोत्सव भव्य रुपमा सम्पन्न गरिएको जनाएको छ ।

संयोजक पाण्डेयले कुनैपनि सरकारी निकायसंग पैशा नमागेरै महोत्सव सम्पन्न गरिएको बताए । रामलीला समितिका कञ्चनपुरका अध्यक्ष समरजंग बहादुर चन्दले सबै सरोकारवालाको सहयोगमा महोत्सव सम्पन्न भएको बताए । रामलीला आयोजना गर्दा सकारात्मक सोच, धार्मिक क्षेत्रले समाजलाई एक मोडमा पुगाएको उनले बताए। कञ्चनपुर जिल्लाको रामलीला समिति एकै हुनु पर्ने र त्यसको लागि सबैले एक रुपमा सम्मेलन गरि अगाडि बढ्न समेत बताए । आजिबन सदस्यता लिने व्यक्ति लाई सम्मानित गरि प्रमाणपत्र दिएको छ । नेपाली तथा डोट्याली भाषमा मञ्चन भएको रामलिलाको सुपविका सह प्राद्यापक समेत रहेका डा. भुपेन्द्र विष्टले निर्देशन गरेका थिए । आगामी दिनमा थप पुरस्कृत बनाउँदै लैजाने आयोजकले प्रण गरेको छ ।

ताजा समाचार