झलारी : शुक्लाफाँटा नगरपालिका ८ पारिफाँटाबाट लागु औषध चरेस सहित प्रहरीले आइतवार साँझ एकजनालाई पक्राउ गरेको छ । इलाका प्रहरी कार्यालय झलारीका अनुसार पक्राउ पर्नेमा ६५ वर्षीय हर्क बहादुर बोहरा रहेका छन ।
बोहरालाई उनकै पसलबाट १६१ दशमलव ८७ ग्राम लागु औषध चरेस बरामद गरिएको छ । चरेस संगै जोख्ने तराजु, विभिन्न नापका ढक, तासका गड्डीहरु, अबैध मदिरा १६ पेटी बरामद गरिएको छ । बोहरालाई लागु औषध सम्बन्धी प्रचलित ऐन अनुसार कारवाही हुने बताईएको छ ।
गोप्य सूचनाका आधारमा प्रहरीले बोहराको पसलमा छापा मारेर चरेस सहित पक्राउ गरेको जनाईएको छ । बोहराले लामो सय देखि अबैध कारोवारमा संलग्न रहेको कुरा खुल्न आएपछि प्रहरीले थप अनुसन्धानको कार्य अगाडी बढाएको छ ।
