महेन्द्रनगर : कञ्चनपुरको भीमदत्त नगरपालिकाले महेन्द्रनगर बजार क्षेत्रलाई सौन्दर्यकरण गरिरहेको छ । नगरपालिकाले सुन्दरताका लागि बजार क्षेत्रमा रहेका खाली भित्तामा विभिन्न चित्रहरु बनाइरहेको छ । नेपाल कमर्शियल आर्टिष्ट संघ कञ्चनपुरसंगको सहकार्यमा भीमदत्त नगरपालिकाले कला सँस्कृती झल्किने विभिन्न चित्र बनाइरहेको छ । पहिलो चरणमा भीमदत्त नगरपालिका–०४ स्थित दशरथ चन्द चोक देखी जिल्ला प्रशासन कार्यालय सम्मको भित्तामा विभिन्न कला सँस्कृती झल्किने र विभिन्न पर्यटकीय क्षेत्रका चित्र बनाइरहेको नगरप्रमुख पदम बोगटीले बताए ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
‘सुन्दरताका लागि सार्वजनिक क्षेत्रका भित्तामा यस क्षेत्रका कला सँस्कृती झल्किने र पर्यटकीय क्षेत्रका चित्र बनाउने कार्य शुरु भएको छ ।’ उनले भने ‘पहिलो चरणमा शहिद दशरथ चन्द चोक देखी जिल्ला प्रशासन कार्यालयसम्मका भित्तामा चित्र निर्माण भइरहेको छ ।’ यस्तै नगरपालिकाले पुरानो जिल्ला प्रशासन कार्यालय अगाडी रहेका खोका छाप्रा समेत हटाएको छ ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
नगरपालिकाले उक्त क्षेत्रलाई व्यवस्थित र सौन्दर्यकरण गर्ने भन्दैँ त्यहाँ रहेका खोका छाप्रा हटाएको हो । शहिद दशरथ चन्द चोक देखी डिभिजन बन कार्यालय सम्म सडक किनारमा रहेका खोका छाप्रा हटाएर उक्त क्षेत्रलाई सुन्दर र व्यवस्थित गर्ने कार्य समेत भइरहेको नगर प्रवक्ता पदमराज अवस्थीले बताए ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)