कञ्चनपुर : कञ्चनपुरको उत्तरी ब्रम्हदेब क्षेत्रबाट नेपालका लागु औषधको तस्करी गर्ने एक नामुद लागु औषधका तस्कर पक्राउ परेका छन । मंगलबार नेपाल प्रहरीका तीन टोलीले संयुक्त रुपमा भीमदत्त नगरपालिका ९ब्रम्हदेब क्षेत्रबाट ३५ बर्षिया भारतीय नागरिक रहेम अहमतलाई पक्राउ गरेको हो ।
लागु औषध नियन्त्रण ब्यूरो शाखा कञ्चनपुर, नेपाल प्रदेश प्रहरी कार्यालय र जिल्ला प्रहरी कार्यालय कञ्चनपुरको टोलीले भारतीय लागु औषधका तस्कर अहमतलाई पक्राउ गरेको जनाएको छ । लागु औषध नियन्त्रण ब्यूरो शाखा कञ्चनपुरका प्रह पदम विष्ट नेतृत्वमा खटिएको टोलीले लामो समयदेखि भारतबाट नेपालमा लागु औषध तस्करी गर्दै आएका भारतीय तस्कर अहमतले फेरी नेपालमा लागु औषध बेच्नका लागि आईरहेको अवस्थामा पक्राउ गरेको हो ।
अहमतले ९.१०ग्राम ब्राउन सुगर बेच्नका लागि आईरहेको अवस्थामा पक्राउ गरेर जिप्रका कञ्चनपुरमा बुझाईएको छ । यसरी लागु औषधका तस्कर नियन्त्रणमा ल्याएसंगै कञ्चनपुरमा लागु औषध नियन्त्रण हुने अपेक्षर््ाा गरिएको छ ।
