महेन्द्रनगर : कञ्चनपुरको भीमदत्त नगरपालिकाका वडा–वडाहरुमा नि:शुल्क आँखा शिविर सञ्चालन भइरहेको छ । वातावरण संरक्षण तथा समाज कल्याण संघ नेपाल(पेसवान)संगको समन्वय तथा च्यारिटि हेल्थ फाउन्डेसन र धनगढी नेत्रालय प्रालीको प्राविधिक सहयोगमा भीमदत्त नगरपालिकाका वडा–वडामा निशुल्क आँखा शिविर सञ्चालन भइरहेको पेसवानका सदस्य दमन चन्दले बताए ।
![](https://esudurdarpan.com/wp-content/uploads/2024/01/WhatsApp-Image-2024-09-02-at-10.17.11-PM.jpeg)
नगरप्रमुख पदम बोगटीले पेसवान संगको समन्वयमा र च्यारिटि हेल्थ फाउन्डेसन र धनगढी नेत्रालय प्रालीको प्राविधिक सहयोगमा वडाहरुमा निशुल्क आँखा शिविर सञ्चालन भइरहेको र शिविरमा निशुल्क रुपमा आवश्यकता अनुसार चस्मा, औषधी र अप्रेसन समेत भइरहेको भीमदत्त नगरपालिकाका नगर प्रवक्ता पदमराज अवस्थीले बताए । उनकाअनुसार हालसम्म भीमदत्त नगरपालिकाका वडा नम्बर १, २, ३, ५, ७, ८, १०, १३, १४, १६, १७ र १९ मा निशुल्क आँखा शिविर सञ्चालन भइसकेको छ ।
![](https://esudurdarpan.com/wp-content/uploads/2024/01/e835471f-7518-4c70-8cd7-f9014237e23c.jpg)
बाकीँ वडामा समेत शिविर सञ्चालन हुने नगरप्रवक्ता अवस्थीले बताए । उक्त कार्यमा पेसवानका उपाध्यक्ष पशुपती थापा मगर सहितको टिमलाई सबैले सहयोग गरिदिन नगरप्रवक्ता अवस्थीले आग्रह गरे । पेसवानले यसअघि समेत भीमदत्त नगरपालिकाका सामुदायिक विद्यालयहरुमा अध्ययनरत विद्यार्थीहरुलाई निशुल्क शैक्षिक पोसाक झोला वितरण गरेको थियो ।
![](https://esudurdarpan.com/wp-content/uploads/2024/01/d7138331-2147-4a09-b06e-e242a6fc9eb3.jpg)
![](https://esudurdarpan.com/wp-content/uploads/2024/01/Belndai.jpg)