कञ्चनपुर: जिल्लाको एक पालिकामा निरन्तर अभ्यासमा रहेका फुटबल खेलाडीले सार्वजनिक स्थानहरूमा सरसफाइ कार्यक्रमको आयोजना गरेका छन् ।
सनिवार बेदकोट नगरपालिका वडा न.९ मा रहेको सुन्दरपुर फुटबल क्लबले आयोजना गरेको सार्वजनिक स्थानको सरसफाइमा फुटबल खेलाडीको निरन्तर प्रयासमा उदयदेव माध्यमिक विद्याला सुन्दरपुर , स्वास्थ्य स्थान , बाटोघाटोमा पर्ने चोकहरु र वडा कार्यालय परिसरमा आएर सरसफाइ कार्यक्रम सम्पन्न गरेको थियो।
सुन्दरपुर फुटबल क्लबले “आफ्नो गाउँ , आफै बनाउ” भन्ने मुल नाराका साथ आयोजना गरेको सरसफाइ कार्यक्रमको यो पहिलो प्रयास रहेको खेलाडीले बताएका छ्न्। उनिहरुले भने, ‘हामी खेलमैदानमा खेल मात्रै खेल्दैनौ, अब पर्यावरणीय वातावरण स्वच्छ राख्नु पनि हाम्रो दायित्व भित्र पर्दछ त्यसैले अब निरन्तर गाउँघर र आफ्नो वडामा पर्ने मुख्य चोक लगायत सार्वजनिक स्थानमा सरसफाइ कार्यक्रम गर्ने छौँ ।’
