कञ्चनपुर : नेकपा बहुमत निकट अखिल क्रान्तिकारीले सुदूरपश्चिम विश्वविद्यालयमा ज्ञापन पत्र बुझाएको छ । सोमबार क्रान्तिकारीले विश्वविद्यालयमा ३० बुँदे ज्ञापन पत्र बुझाएको हो । अखिल क्रान्तिकारीका नेता सुरेन्द्र धानुकले विश्वविद्यालयमा बढ्दै गएको शैक्षिक बेथिति रोक्नका लागि उपकुलपति डा.अमराज जोशीलाई भेटेरै ज्ञापन पत्र बुझाएको बताए ।

क्रान्तिकारीले बुझाएको ज्ञापन पत्रमा आन्तरिक मुल्याङ्कनमा शिक्षकद्वारा काखापाखा गर्ने काम भएकाले सो कार्य बन्द गर्न माग अघि सारिएको छ । आंगिक क्याम्पसको नियमित पठन पठानका साथै स्ववियू निर्वाचनको माग अघि सारिएको छ । अखिल क्रान्तिकारीसुप विश्वविद्यालयका संयोजक पुष्पा धामी र इन्चार्ज प्रकास भट्टद्वारा हस्ताक्षरित गरिएको ज्ञापन पत्रमा मागप्रति वेवास्ता गरिए आन्दोलनको चेतावनी दिईएको छ ।