धिरेन्द्र भट्ट / कंचनपुर : कंचनपुरको पुनर्वास नगरपालिका स्थित परासन गाउँमा रहेको गहुँ नलमा भीषण आगलागी भएको छ। मंगलबार दिउँसो करिब दुई बजे परासन गाउँमा किसानहरुले खेती गर्दै आइरहेको लगभग ८ बिगहा जमिनमा रहेको गहुवारीमा आगलागी भएको हो।
तर स्थानिय प्रहरी र दमकलको सहयोगले गहूँ काटेर थुपारेको स्थान सम्म र स्थानियको घर गोठ सम्म आगोको लपेडा नपुग्दा ठुलो दुर्घटना हुन बाट जोगिएको छ । आगो लाई नेपाली सेना, ससस्त्र प्रहरी र स्थानीय निर्वाचनका लागि खेटिएका म्यादी प्रहरीले नियन्त्रणमा लिने प्रयास गर्दा नियन्त्रण बाहिर गएपछि दम्कलको सहायताले आगोलाई नियन्त्रणमा लिइएको हो।
आगो भयावह हुनु अगावै नियन्त्रणमा आएकोले कुनपनी धनजनको क्षति नभएको र किसानहरुले थ्रेसीङ गर्नको लागि काटेको गहुँ क्षति हुनबाट बचेको पुनर्वास स्थित हाम्रा सम्बादाता विशाल बोहराले बताए।
